Zgjidhni stilin tuaj të palltos së dimrit

Modelet i karakterizojnë linjat e drejta, rroba pak të gjera, disa radhë sumbullash zbukuruese dhe në përgjithësi pamje retrospektive e viteve ‘60 dhe ‘70 të shekullit të kaluar...

Stili elegant
Sivjet do të barten kryesisht modelet gjysmë të gjata të cilat shkojnë deri te gjunjët, edhe pse ka sosh të gjata të cilat shkojnë pak mbi nyjat e këmbëve dhe ato më të shkurtra të cilat shkojnë deri nga mesi i kërdhokullave, transmeton Telegrafi. Shumicën e modeleve e karakterizojnë linjat e drejta, sumbullat e mëdha, jakat e mëdha me shtojca siç janë gëzofi, dantellat, xhepat zbukurues. Ngjyrat janë kryesisht mbyllëta, nga e zeza, e përhirta dhe nuanca ngjyrë gështenje, deri te e kuqja dhe ngjyrë vjollce.

Stili komod
E veçanta për modelet komode është që të jenë pak të shkurtra, disa shkojnë deri te fillimi i kërdhokullave, disa deri te mesi i kërdhokullave, ndërsa ato më të gjatat deri te gjunjët, transmeton Telegrafi. Modelet janë më shumë “sportive”, rinore, me karfica dhe sumbulla të mëdha. Edhe këto pallto i karakterizojnë linjat e drejta, pastaj ngjyrat e mbyllëta, ngjyrat e çelëta dhe të e përhirta dhe e bardha.

Stili ushtarak
Ky stil do të mund të zbatohet në modelin komod të palltos, mirëpo, duke pasur parasysh që ky model sivjet aq shumë është i popullarizuar dhe i përhapur, kemi vendosur ta ndajmë në një grup të veçantë. Përjashtim është ngjyra e parezistueshme e përhirtë – top ngjyrë e këtij sezoni.

Stili i rrobave me kutia
Modelet me kutia sivjet më së shpeshti kanë bazën ngjyrë të përhirtë, e cila është e thurur me ngjyra pak më të gjalla – të kaltër, vjollcë, të portokalltë, të kuqe ose me ndonjë ngjyrë të shkëlqyer neutrale. /Telegrafi/