Stil i ri i veshjes së zyrës

Janë veshje tipike të punës së zyrës, ndonëse fotot janë bërë në rrugë. Kanë stil, modele dhe ngjyra të larmishme. Veten mund ta gjesh në shumë prej tyre, por janë veshje që, në fakt, të bëjnë të ndihesh rehat në vendin e punës.

Nga fustanet dhe pulovrat super të lëmuara, deri tek ato më të rëndat, nga veshjet klasike me ngjyra të errëta, deri tek ngjyrat e mrekullueshme me kombinime të pafundme.

Disa ide nga revistaclass për veshjen që duhet të mbani në punë:

Shkëlqim perfekt
Një pamje të bukur dhe shumë profesionale të siguron kjo veshje me një fund-pantallona, të kombinuar me një pulovër të hollë (në ngjyrë të errët) dhe aksesorë klasikë.

Përtej klasikes bardh e zi
Pantallona smoking me printe mund “të punojnë” shumë mirë në zyrë, sidomos kur prodhimi i tyre është edhe tendencë. Një bluzë krem, xhaketë sportive e zezë dhe aksesorë me ngjyra neutrale, i bëjnë këto lloj pantallonash të jenë shumë të përshtatshme për zyrë dhe aspak të egra në pamje.

Besoji pastelit
Mendon se nuk mund ta veshësh bojëqiellin në vjeshtë? Mendohu edhe një herë! Kur bashkohet me nuancat e bezhës në një pëlhurë komode, rezultati është mrekullisht vjeshtak.

Guxo më shumë
Një goditje e re që të siguron një pamje tërheqëse është ajo me pantallonat e gjera me bel të lartë. Jo vetëm që i bën këmbët të duken shumë të gjata, por të mbulon edhe defektet rreth belit. Luaj edhe me përmasa të ekzagjeruara, duke i kombinuar me një pulovër të shkurtër. /Telegrafi/