Llaku i thonjve që parandalon përdhunimet

Studiuesit pranë Universitetit N.C State kanë krijuar një produkt bukurie që ndryshon ngjyrë, kur ekspozohet ndaj drogave të përdhunimit.

Pispillosja para një takimi të ri mund të jetë normale, por falë kësaj shpikjeje të re, një manikyr i freskët mund t’ju shpëtojë jetën.

Kohëve të fundit ka patur një bum në zhvillimin e teknologjisë që parandalon sulmet ndaj femrave, ndoshta sepse sulmet seksuale janë më të larta se kurrë.

Nuk dihet ende se si funksionon produkti: “Do të na duhet të fusim gishtat në pije, për të parë nëse në të ka drogë? Sa kohë pas pirjes së një pijeje me drogë do të ndryshojë ngjyrë manikyri?”.

Këtyre dhe shumë pyetjeve të tjera po i japin kërkuesit përgjigje, pasi produkti është ende në fazën e prototipit, ndërsa pret financime të reja.

Ditë më parë, është bërë publike një substancë e re narkotike, e quajtur GHB (Hydroxybutyric acid), e cila po përdoret nga të rinjtë në masë të madhe. Është në formë të lëngët, është e pangjyrë, si uji, por më e dendur.

Kjo drogë, ndikon si afrodiziak në trurin e njeriut, duke bërë përdoruesit e saj të shfaqin shenja të vulgaritetit seksual. Është shumë problematike, sepse përzihet me të gjitha pijet e mundshme dhe është problematike edhe për policinë që të ndiqet kjo drogë dhe të identifikohet. /Telegrafi/