Mënyrat më të mira për pastrimin e lapsit nga sytë

Shumica e pjesëtareve të gjinisë së bukur besojnë se lapsat për sy ndikojnë në shfaqjen e qeskave përreth syve. Nëse edhe ju keni një problem si ky, ja disa këshilla themelore në mënyrë krejt efikase të hiqni mbetjet e lapsit të zi përreth syve tuaj.

Qumësht për pastrimin e fytyrës
Është me rëndësi të veçantë që çdo ditë ta pastroni fytyrën. Madje edhe nëse vendosni grim minimal, gjithnjë para se të flini fytyrën pastrojeni me qumësht për pastrim. Në mënyrë që të bindeni se gjithçka është pastruar si duhet, vendosni qumështin në gjithë fytyrën, ndërsa me hapa të butë bëni masazh në hapësirat përreth syve. Përdorni pambukun e lagur me qumësht për të hequr grimin.

Uji
Nëse jeni për ngut dhe dëshironi që sa më shpejt ta hiqni pjesën e mbetur të lapsit për sy, vetëm pastrojeni fytyrën me ujë. Mund të përdorni edhe piling për pastrimin e fytyrës.

Vajrat
Një nga këshillat më të mira për ta larguar lapsin e zi dhe për të parandaluar shfaqjen e qeskave nën sy, është mesazhi me vaj, dhe atë për çdo natë para se të shkoni në gjumë. Me këtë rast mund ta përdorni edhe vajin e ullirit. Merrni disa pika vaji dhe bëjini masazh hapësirës suaj përreth syve. Nëse jeni për ngut, vetëm bëni masazh me vaj ulliri përreth syve, e më pas thajeni hapësirën me një shami pambuku.

Shamia e lagësht
Merrni një shami nga materiali i butë, e zhytni në ujë e më pas e vendosni nën sy. Këtë mund ta bëni pasi ta keni hequr grimin.

Vazelina
Edhe një tjetër mënyrë me të cilin mund të hiqni dhe pastroni mbetjet nga lapsi i zi në hapësirat përreth syve është vazelina. Bëni masazh me vazelinë përreth syve e më pas thajeni atë hapësirë me një shami të butë, preferohet të jetë prej pambuku. /Telegrafi/