Trendi më i ri – vajrat kozmetike

Trendi më i ri në botën e bukurisë janë vajrat të cilat e hidratojnë lëkurën, ia kthejnë asaj shkëlqimin, zvogëlojnë dhe parandalojnë rrudhat, si dhe qetësojnë inflamacionet e mundshme.

Ato janë të pasura me retinol dhe vitaminë C, të cilat e forcojnë lëkurën, duke mos rezultuar me një shkëlqim yndyror të lëkurës.

Vajrat janë më delikate ndaj lëkurës sesa preparatet e ndryshme ‘anti-aging’, prandaj ato depërtojnë në shtresat e thella të lëkurës, duke mos irrituar shtresat sipërfaqësore. Përpos kësaj, vajrat japin një shkëlqim të shëndetshëm, i cili zgjat gjatë tërë ditës.

Për lëkurën e thatë preferohen vajra të bazuar në xhinseng. Lëkurës së përzier më së miri i përshtaten vajrat me ekstrakt të lules së zambakut të ujit dhe me thartira yndyrore omega-3, të cilat në të njëjtën kohë ndikojnë edhe në zvogëlimin e poreve.

Vajrat e bazuar te marulja zvogëlojnë inflamacionin tetë gjitha llojet e lëkurës. Lëkurës së yndyrshme ende nuk i lejohet përdorimi i vajrave, por vetëm i preparateve hidratuese.

Pa marrë parasysh se cilin vaj përcaktoheni ta përdorni, rezultatet e para do të shihen pas javës së parë të përdorimit. /Telegrafi/