Zbulohet peshku “jashtëtokësor”

Banorët e fshatit Daluo në Kinë, zbuluan në një liqe të një shpelle, një kilometër nën sipërfaqe të tokës, një peshk me pamje jashtëtokësori.

Ekspertët nuk mundën të vërtetojnë se çfarë lloj peshku është ai i zbuluar në shpellën e fshatit Daluo, në rajonin Bama të provincës Guangxi, në jug të Kinës.

Peshku ka formën e buzëve të sqepit të zogjve buzë të kuqe dhe “mustaqe” të holla. Sytë e peshkut janë shumë afër buzëve.

Njëri nga udhëheqësit e fshatit Li Zuneng tha se popullsia lokale ka dëgjuar prej pleqve për peshkun e çuditshëm, por kjo është menduar vetëm si trillim, pasi askush prej gjeneratave të reja nuk e ka parë këtë gjallesë.

Mirëpo, në thellësi të shpellës, e njohur me emrin “Fu Jang Dong” ose “Shpella e fatit”, janë kapur disa specie të këtij peshku.

Mostrat janë dërguar për hulumtim në rajonin Bama të institutit Guansi, por askush prej ekspertëve nuk e dinte se për çfarë lloji peshku bëhet fjalë.

Uji nga ky liqe thuhet se zgjat jetën pasi në këtë rajon ka një numër të madh të njerëzve që kanë jetuar më shumë se 100 vjet. /Telegrafi/