Largohet nga puna shkaku i shkronjave të mëdha në e-maila

E punësuara e kompanisë ProCare në Zelandë të Re është larguar nga puna për shkak të përdorimit të shkronjave të mëdha me bold dhe ngjyrë të kuqe të cilët ua ka dërguar kolegëve të saj. Gjoja me këtë zgjedhje të saj të shkronjave u ka shkaktuar përçarje në mes të punësuarve.

Vickie Walker me gjasë nuk ka ditur se si ndalet urdhri CAPS LOCK në tastierë apo nuk e ka hetuar që shkrimi i e-mailave me shkronja të mëdha nuk duket edhe aq bukur, dhe se në kokën e lexuesve tingëllojnë shumë zhurmshëm. Në kompaninë ProCare kanë vlerësuar se stili i saj i të shkruarit sjell parregullsi në mesin e të punësuarve, prandaj ia kanë dorëzuar letrën për largim nga puna.

Megjithatë, ambiciozja Vickie e cila e-mailat e saj me shkronja të mëdha, të kuqe dhe me bold kryesisht ua ka dërguar kolegëve, ka qenë mjaft e mençur për të paditur punëdhënësin e saj për largim të paarsyeshëm nga puna. ProCare ka humbur rastin në gjyq dhe tani ish të punësuarës së vet do të duhet t’i paguaj 8.000 dëmshpërblim.

Qartazi e pakënaqur me shumën e shpërblimit, Vickie ka paralajmëruar padi të reja. Padyshim, ato do të janë të shkruare me shkronja të mëdha, të trasha dhe të kuqe.