Ngërçet janë pjesë e fazës së zhvillimit në jetën e çdo foshnje dhe janë të parrezikshme. Mirëpo nënat kanë në dorë të bëjnë diçka për të ia lehtësuar sadopak dhimbjet të vegjëlve të tyre.
Portali “Beba ime”, rekomandon gjashtë truqe, si gjatë momenteve të ngërçeve, ju mund ta qetësoni beben tuaj, duke filluar nga mbështjellja me batanije, deri te masazhet apo ushqimi.
Mbështilleni foshnjën me batanije
Foshnjës i pëlqen të ndjejë të rrahurat e zemrës së nënës gjatë kohës që e mbani! Kur foshnja qan e acaruar shkaku i ngërçeve, ajo reagon në të gjitha stimulimet, në atë se çfarë i pëlqen dhe çfarë e gëzon. Foshnjën tuaj mund ta qetësojë mbështjellja me batanije, sepse në atë mënyrë ju do të parandaloni që t’i shtrëngojë duart dhe këmbët e nevrikosur. Të mbështjellur ashtu, shëtiteni nëpër dhomë, luhateni lehtësisht, pëshpëritini apo këndojini qetë, derisa të qetësohet.
Luhateni
Foshnjat zakonisht reagojnë shumë pozitivisht në lëvizje dhe në luhatje. Sigurisht që do t’i pëlqejë të ndjejë të rrahurat e zemrës tuaj gjatë kohës kur e mbani në krahë. Po ashtu edhe luhatja mund të jetë e dobishme. Një luhatëse e sigurt dhe e rehatshme (me rripa sigurimi) sigurisht do të ju ndihmojë që të qetësoni foshnjën tuaj.
Vendosni foshnjën afër ndonjë zhurme konstante
Gjatë kohës që foshnja ndodhet në mitër ajo dëgjon zhurmën e lëngut amniotik i cili e rrethon. Për këtë foshnjat kur janë të shqetësuara, iu pëlqen të dëgjojnë ndonjë zhurmë konstante e cila i rikujton kohën deri sa ishte në barkun e nënës. Ekzistojnë një sërë prodhimesh të cilat emitojnë këtë zhurmë por prindërit zakonisht këshillojnë që edhe aparatet shtëpiake u kanë ndihmuar me zhurmën konstante dhe vibrimin, siç janë makinat për larjen e enëve, tharëset, makina e pastrimit të pluhurit. Po ashtu, mund të provoni të lëshoni ndonjë CD me tinguj të valëve të oqeanit apo tinguj të tjerë qetësues.
Keni kujdes se si e ushqeni foshnjën
Nëse e ushqeni foshnjën me gji, në pozitë të drejtë, do t’i lehtësoni asaj tretjen dhe do të gëlltis ajër më pak gjatë ushqyerjes. Madje ekzistojnë mendime që në Meksikë, në vendin ku ekziston tradita që të ushqehen foshnjat në mënyrë të drejtë, fëmijët më pak vuajnë nga ngërçet se sa fëmijët në vende të tjera të botës ku zakonisht fëmijët ushqehen në mënyrë horizontale. Po ashtu, nëse nuk e ushqeni foshnjën me gji, jeni të detyruar ta ushqeni me shishe, atëherë gjithmonë përdorni shishet e vogla dhe mbusheni me qumësht gjer në maje, që sa më pak të ketë mundësi që të mbushet me ajër.
Masazhojeni
Mundohuni që kur qetësoni foshnjën, të qetësoheni edhe vetë ju. Masazhimi i lehtë dhe i këndshëm në shpinë të foshnjës mund ta qetësojë foshnjën tuaj të cilën e mundojnë ngërçet. Me faktin që ngërçet paraqiten zakonisht pasditeve apo mbrëmjeve (shumë shpesh në kohë të njëjtë), mundohuni që t’i lehtësoni ato me masazhe. Përveç kësaj, është e rëndësishme që foshnja të ndjejë që edhe ju jeni e qetë sepse ajo shumë mirë mund të ndjejë nëse ju jeni e lodhur dhe e acaruar.
Keni kujdes se si ushqeheni
Në disa raste shkaktar të paraqitjes së ngërçeve tek foshnjat mund të jenë edhe gjërat ushqimore të cilat i keni konsumuar, ndërsa të cilat shkaktojnë ngërçe tek foshnjat. Në rast se ushqeni fëmijën tuaj me gji, mundohuni që të shmangni nga vakti disa artikuj të cilët ju bëjnë të ndjeheni e fryrë siç janë: brokoli, lakra, lulelakra, bizelet, fasulet si dhe ushqimi shumë i kriposur.
Lufta Prigozhin - Putin
Më shumëNga Rubrika
Katër shenja të qarta që tregojnë se duhet t’i jepni fund një lidhjeje dashurie, sipas një psikologu
Një zonjë misterioze vodhi vëmendjen në Met Gala, njerëzit thonë se ishte e veshur më së miri
J.Lo tejkalon çdo pritshmëri! Për fustanin e saj të tejdukshëm u deshën 2.5 milionë rruaza dhe 800 orë punë
Një zonjë misterioze vodhi vëmendjen në Met Gala, njerëzit thonë se ishte e veshur më së miri
Ky trend i këpucëve “të lira” ka vërshuar rrugët e Parisit: Një model i papritur takash
J.Lo tejkalon çdo pritshmëri! Për fustanin e saj të tejdukshëm u deshën 2.5 milionë rruaza dhe 800 orë punë
Katër shenja të qarta që tregojnë se duhet t'i jepni fund një lidhjeje dashurie, sipas një psikologu
Çka është menopauza, cilat janë simptomat dhe si t'i trajtoni ato
Anna Wintour me një fustan që femrat e adhurojnë, dizajni do të jetë hit gjatë ditëve të ngrohta
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?