Lajqi theu edhe një rekord

Shkëlzen Lajqi ka triumfuar edhe në garën e zhvilluar në Grashticë, e cila ishte e fundit në disiplinën malore për këtë vit.

Me Mitsubishi Evo 9, Lajqi deri te fitorja erdhi me kohën e përgjithshme prej 3:10.885 minutave (përfshirë të dyja vozitjet), ndërsa e theu edhe rekordin e shtegut (3 km) me kohë fantastike prej 1:35.270 minuta.

“Natyrisht që jam i kënaqur me rezultatin dhe rekordin e arritur edhe pse kam pritur të shënoj fitore, e njëkohësisht jam edhe kampion në klasën e shtatë“, ka thënë Lajqi pas triumfit, i cili, megjithëse në kampionat u inkuadrua pak me vonesë, arriti të fitojë në klasën përkatëse.

“Unë kam munguar në dy garat e para dhe besoj që sikur të garoja që nga fillimi, do të isha i pari edhe në plasmanin e përgjithshëm”, ka shtuar Keni, ambiciet e të cilit janë për suksese në arenën ndërkombëtare.

Dy garues tjerë mjaft atraktiv, Përparim Dushi me Formula dhe Valdet Krasniqi me Lancia, nuk ia dolën të përfundojnë garën dhe kësaj radhe mbetën pa pikë.

Ndërkohë, beteja kryesore këtë herë ishte në klasën e pestë, ku Faton Rama e Gazmend Gashi “luftuan” për pozitën e parë, e cila në fund i takoi Ramës.

Dominimin në klasën e tretë e ka konfirmuar Valdet Kaçandolli, sikur edhe Arbnor Musliu në të gjashtën.

Fitore me diferencë të dukshme nga përcjellësit më të afërt kanë arritur edhe Ismail Smani, Alban Berisha, Bujar Gola, Besfort Hana dhe Flamur Ismajli.

Rezultatet:

Klasa e parë:

1.Ismail Smani (Yugo – Prizreni D&G) 4:09.244

2.Kreshnik Mariqi (Yugo – Prizreni D&G) +02.296

3.Afrim Spahi (Yugo – Prizreni D&G) +08.296

Klasa e dytë:

1.Alban Berisha (Suzuki – Prizreni D&G) 3:56.773

2.Osman Tovërlani (Suzuki – Prishtina RC) +10.742

3.Reshat Shabani (Peugeot – Ferizaj) +18.821

Klasa e tretë:

1.Valdet Kaçandolli (Suzuki – Prishtina RT) 3:34.690

2.Valon Rexhepi (Lupo – Prishtina RT) +15.095

3.Burim Asllani (Suzuki – Ferizaj) +25.320

Klasa e katërt:

1.Bujar Gola (Peugeot – HCR Gjakova) 3:58.597

2.Gaspër Kaqinari (Yugo – HCR Gjakova) +10.48

3.Premtor Taraku (Honda – Prishtina RT) +16.280

Klasa e pestë:

1.Faton Rama (Renault – Prishtina RT) 3:43.511

2.Gazmend Gashi (Opel – Prishtina RT) +00.134

3.Hamit Mavriqi (Renault – Prishtina RC) +13.469

Klasa e gjashtë:

1.Arbnor Musliu (Opel – Prishtina RC) 3:44.635

2.Leonit Thaqi (Seat – HCR Gjakova) +07.349

3.Arbër Rexhepi (Golf – Ferizaj) +14.787

Klasa e shtatë:

1.Shkëlzen Lajqi (Mitsubishi – Prishtina RT) 3:10.885

2.Bashkim Memaj (Subaru – Prizreni D&G) +38.768

Klasa e tetë:

1.Besfort Hana (Opel – HCR Gjakova) 3:46.812

2.Besart Pruthi (Opel – Gjakova 137) +08.484

Klasa e nëntë:

1.Flamur Ismajli (Audi – Prishtina RT) 3:40.334

2.Vilson Nrecaj (BMW – Gjakova 137) +09.486

3.Qazim Isufi (Golf – Prishtina RT) +27.267

Plasmani i përgjithshëm:

1.Shkëlzen Lajqi (Mitsubishi – Prishtina RT) 3:10.885

2.Valdet Kaçandolli (Suzuki – Prishtina RT) 3:34.690

3.Flamur Ismajli (Audi – Prishtina RT) 3:40.334

Renditja ekipore:

1.Prishtina RT 60 pikë

2.Prizreni D&G 55

3.HCR Gjakova 55