Zoran Zaev pjesëmarrës në Samitin për Ballkanin Perëndimor në Londër

Një delegacion qeveritar që do të udhëhiqet nga kryeministri Zoran Zaev, ku pjesëmarrës do të jenë edhe zv.kryeministri Bujar Osmani, ministri i Jashtëm Nikolla Dimitrov, sot dhe nesër do të marrin pjesë në Samitin e BE-së për Ballkanin Perëndimor në kuadër të procesit të Berlinit që mbahet në Londër.

Siç njoftojnë nga qeveria, ngjarjet qendrore të samitit do të fillojnë nesër me pranimin e kryeministres së Britanisë së Madhe, Theresa May dhe shefat e diplomacive të vendeve anëtare të Bashkimit Evropian, si dhe përfaqësues të Komisionit Evropian, përcjell Telegrafi Maqedoni.

Kryeministri Zoran Zaev në ditën e parë do të merr pjesë në darkën e punës për shefat e delegacioneve dhe drejtorëve të Bankës Evropiane Investuese, përfaqësuesve të Këshillit rajonal për bashkëpunim të vendeve të Ballkanit Perëndimor.

Zaev është ftuar të mbajë fjalim edhe në panelin me temë: “Politika e jashtme, çështjet bilaterale dhe trashëgimia nga e kaluara”, me të cilin do të udhëheq ministri britanik për Punë të Jashtme, Boris Jonhson./Telegrafi/