Zjarrfikësit polakë nxorrën 100 tonë peshq të ngordhur nga një lumë

Zjarrfikësit polakë raportuan sot se kishin hequr 100 tonë peshq të ngordhur nga lumi Oder, i cili rrjedh përmes Gjermanisë dhe Polonisë, duke thelluar shqetësimet për një fatkeqësi mjedisore.

“Ne kurrë nuk kemi pasur një operacion të kësaj shkalle në lumë më parë”, tha Monika Nowakowska-Drynda nga zyra e medias e shërbimit kombëtar të zjarrfikësve. Ajo konfirmoi se rreth 100 tonë peshq të ngordhur ishin hequr nga lumi që nga e premtja.

Shkaku i vdekjes është i paqartë, megjithëse zyrtarët besojnë se peshku ishte helmuar.

Polish firefighters said Tuesday they had recovered 100 tonnes of dead fish from the Oder river running through Germany and Poland, deepening concerns of an environmental disaster https://t.co/cdxcQw3K2D

— AFP News Agency (@AFP) August 16, 2022

“Sasi të mëdha mbetjesh kimike ndoshta janë hedhur në lumë, me njohuri të plotë të rreziqeve dhe pasojave”, tha kryeministri polak, Mateusz Morawiecki.

Mostrat e ujit u dërguan në laboratorë në Republikën Çeke, Holandë dhe Britani me shpresën për të zbuluar shkakun e helmimit. Vendasit dhe peshkatarët polakë ishin të parët që raportuan për vdekjen masive të peshkut më 28 korrik.

Zyrtarët gjermanë akuzuan autoritetet polake se nuk i informuan për murtajën dhe u habitën nga sasia e madhe e peshqve të ngordhur. Në Poloni, qeveria gjithashtu është kritikuar ashpër se nuk ka vepruar më shpejt.

Vitet e kaluara, Odra njihej si një lumë relativisht i pastër me 40 lloje peshqish. Por tani mund të shihni peshq të ngordhur në lumë, disa lloje deri në 40 centimetra të gjatë.

Nowakowska-Drynda tha se në Poloni më shumë se 500 zjarrfikës po largojnë peshqit e ngordhur. /Telegrafi/