“Zhduken” afro 500 mijë dollarë të ndara për rindërtimin e një qyteti ukrainas

Rreth 498 mijë dollarë, fonde të destinuara për rindërtimin e periferisë së Kievit të dëmtuar rëndë, “janë zhdukur”.

Këtë e bëri të ditur së fundmi Shërbimi i Kontrollit Shtetëror të Ukrainës.

Borodianka, dikur qytet me 12 mijë banorë, ka pësuar një shkatërrim masiv në javët e para të pushtimit rus.

Që atëherë, janë ndarë fondet për rindërtimin e saj, shkruan skynews, përcjell Telegrafi.

Lexo po ashtu Zelensky tregon se me çfarë faze të re të pushtimit rus po ballafaqohet Ukraina

E financime të konsiderueshme janë ndarë edhe për vende tjera që mbajtën peshën e sulmeve fillestare ruse.

Por, një auditor i këshillit të qytetit ka zbuluar një mospërputhje të madhe në lidhje me dritaret plastike-metalike të cilat ishin shkruar si të instaluara, por nuk u vendosën kurrë.

Auditorët zbuluan gjithashtu edhe se blerja dhe instalimi i materialeve me çmime mbi çmimin e tregut ka rezultuar në një humbje prej 131 mijë dollarëve.

Shërbimi i Kontrollit Shtetëror të Ukrainës ka bërë thirrje për “kontroll të plotë” të financimeve të rindërtimit, duke theksuar se Prokuroria e Përgjithshme do të përcaktojë nëse ka pasur shkelje kriminale apo jo. /Telegrafi/