BE: Zgjidheni krizën, Evropa ju pret

Pas një pauze të gjatë liderët e BE-së në Bruksel u janë drejtuar Ballkanit dhe Maqedonisë. Maqedonia ishte një nga pikat e diskutimit të liderëve të enjten në mbrëmje, për shkak të krizës së pafund politike në vendin tonë. Pas mesazhit të shefes së diplomacisë së BE-së, Federica Mogherini, gjatë vizitës në Shkup, e cila tha të mos luhet me zjarr, kanë qëndruar të gjithë liderët e BE-së, përcjell Telegrafi Maqedoni.

Kryetari i BE-së, polaku Donald Tusk (të cilit në këtë samit ju vazhdua mandatë për kryesim të BE-së edhe për 2,5 vite), pranoi letrën e Gjorge Ivanovit, ndërsa përgjigjja e tij ishte sikur e një zëdhënësi se qëndrimet e BE-së nuk ndryshojnë.

Burime diplomatike në Bruksel thonë se Maqedoni duhet të formojë qeveri reformiste dhe të dalë nga kriza aktuale, e cila nuk çon askund dhe është e dëmshme për shtetin.

“Gjithë liderët pajtohen se Deklarata shqiptare ka komplikuar procesin e formimit të qeverisë, por BE-ja nuk ka për qëllim të ndërhyjë në gjykimin e kësaj deklarate, për shkak se partitë maqedonase janë ata që duhet t’i zgjidhin problemet e tyre”.

Por përderisa situata nuk zgjidhet, BE-ja nuk ka për qëllim të ulet duarkryq. BE ka në disponim instrumentet për presion, para se gjithash është presioni financiar që BE po i’a jep Maqedonisë./Telegrafi/