Zelensky viziton qytetin e çliruar, Kherson – kjo është pritja që iu bë presidentit ukrainas

Presidenti Volodymyr Zelensky ka vizituar qytetin Kherson disa ditë pasi u çlirua nga trupat ukrainase.

Sipas mediave të huaja, përcjell Telegrafi, ai foli me ushtarët e mbledhur në qytet, duke thënë se Ukraina “po ecën përpara” dhe është gati për paqe.

Zelensky llegó a Kherson liberado 🇺🇦

Via (@Gerashchenko_en) https://t.co/8K7NKKxCL6

— (((Tania R))) PhD. (@TaniaGRM) November 14, 2022

Humbja e Khersonit, e marrë në fazat e hershme të pushtimit, është një pengesë e madhe për Rusinë.

Tuyệt vời không sợ chết tổng thống đã đến tận nơi THĂM người dân KHERSON pic.twitter.com/WVHVUrBlFb

— KhônG có CônG (@MotLaHai) November 14, 2022

Moska e kishte shpallur atë qendër administrative të rajonit Kherson të aneksuar ilegalisht dhe ishte i vetmi kryeqytet rajonal që u pushtua.

Por trupat ukrainase hynë në qytet të premten, për herë të parë që nga marsi.

Në ditët në vijim, vendasit u panë duke festuar, pasi disa u ribashkuan me të dashurit që nuk i kishin parë prej muajsh.

Zelensky u tha trupave të hënën se Ukraina është “gati për paqe, paqe për të gjithë vendin tonë”, njoftoi agjencia e lajmeve Reuters.

Ai falënderoi NATO-n dhe aleatët e tjerë për mbështetjen e tyre në luftën kundër Rusisë, duke shtuar se sistemet raketore “Himars” nga Shtetet e Bashkuara kishin bërë një ndryshim të madh për Kievin.

Presidenti iu drejtua një turme të mbledhur në sheshin kryesor të Khersonit, disa prej të cilëve valëvitnin flamuj ukrainas ose i mbanin të mbështjellë mbi supet e tyre, tha një gazetar i Reuters në Kherson. /Telegrafi/