Zelensky dënon bombardimet e shkollave dhe spitaleve nga rusët, i quan ‘marrëzi, barbari’

Presidenti ukrainas Volodymyr Zelensky tha se forcat ruse të enjten mbrëma sulmuan rajonin Chernihiv dhe goditën shkollat.

“Sigurisht, shteti rus është në një gjendje të tillë që çdo edukim vetëm e pengon atë. Por çfarë mund të arrihet duke shkatërruar shkollat e Ukrainës? Të gjithë komandantët rusë që japin urdhra të tillë janë thjesht të sëmurë dhe të pashërueshëm”.

Ai dënoi ato që sugjeroi se ishin sulme të pakuptimta në rafinerinë në qendrën industriale të Ukrainës në Kremenchuk, në rajonin Zaporizhzhia dhe Donbas, përcjell Telegrafi.

“Ata janë frikacakë dhe përpiqen të fshehin të vërtetën pas raketave, sulmeve ajrore dhe granatimeve”, tha ai në fjalimin e tij të natës drejtuar kombit.

“Prandaj detyra jonë është të luftojmë derisa të arrijmë qëllimet tona në këtë luftë: të çlirojmë tokën tonë, njerëzit tanë dhe të ofrojmë siguri”.

Duke vënë në dukje se e enjtja është Dita Ndërkombëtare e Infermierëve, Zelensky falënderoi infermierët e Ukrainës dhe punonjësit e tjerë mjekësorë për kontributin e tyre në luftë dhe u kërkoi të gjithë ukrainasve të bëjnë të njëjtën gjë.

Ai tha se që nga fillimi i agresionit më 24 shkurt, ushtria ruse kishte dëmtuar 570 objekte mjekësore, duke shkatërruar plotësisht 101 spitale.

“Çfarë është ajo? Është marrëzi. Është barbari. Është vetëshkatërrimi i Rusisë…”. /Telegrafi/