WhatsApp do të mundësojë ndarjen automatike të statuseve si histori në Facebook dhe Instagram

Aplikacioni WhatsApp do të shtohet në Qendrën e Llogarive në muajt e ardhshëm dhe pasi kjo të bëhet, përdoruesit do të mund të ndajnë automatikisht statusin e tyre WhatsApp si një histori në Facebook dhe Instagram.

Shtimi i një profili WhatsApp në Qendrën e Llogarive Meta do të jetë një opsion, që do të thotë se funksioni do të fiket si parazgjedhje.

Ata që e aktivizojnë do të mund të kontrollojnë se si dhe ku duan të postojnë statuset e WhatsApp në Facebook, Instagram apo të dyja rrjetet sociale.

Qendra e Llogarive lejon hyrjen në aplikacione të shumta Meta duke përdorur të njëjtën llogari. Në të ardhmen, Meta planifikon të shtojë aftësinë për të menaxhuar avatarët, ngjitësit e Meta AI dhe krijimet Imagine Me në një vend përmes Qendrës së Llogarive për të gjitha aplikacionet e kompanisë.

Meta thekson se shtimi i WhatsApp në Qendrën e Llogarive nuk ndryshon faktin që mesazhet dhe thirrjet e përdoruesve do të vazhdojnë të mbrohen nga kriptimi nga fundi në fund, që do të thotë se “askush, as WhatsApp apo Meta, nuk mund të lexojë apo dëgjojë ato”. /Telegrafi/