WhatsApp prezanton mbrojtjen e re të privatësisë së bisedës

WhatsApp ka lansuar zyrtarisht Advanced Chat Privacy, një “shtresë e re e mbrojtjes së privatësisë” për bisedat 1-në-1, si dhe bisedat në grup.

Privatësia e avancuar e bisedës i lejon përdoruesit të parandalojnë të tjerët të ndajnë përmbajtjen e bisedave të tyre jashtë WhatsApp-it, në rastet kur kërkohet privatësi shtesë, transmeton Telegrafi.

Kur një përdorues aktivizon këtë opsion, ai i pengon të tjerët të eksportojnë biseda, të shkarkojnë automatikisht përmbajtje në telefonat e tyre dhe të përdorin mesazhe për funksionet e AI.

“Në këtë mënyrë, të gjithë në bisedë do të jenë më të sigurt se askush nuk mund të përdorë përmbajtjen jashtë bisedës”, deklarojnë nga WhatsApp, por ka ende mundësi për screenshot.

WhatsApp beson se kjo veçori do të jetë më e dobishme “në grupe ku të gjithë nuk e njohin njëri-tjetrin shumë mirë, dhe përmbajtja është e një natyre të ndjeshme, si për shembull diskutimi i sfidave shëndetësore në një grup mbështetës ose organizimi i një komuniteti për diçka që është e rëndësishme për përdoruesit”.

Për të aktivizuar këtë opsion, është e nevojshme të prekni emrin e bisedës dhe më pas të zgjidhni Privatësia e avancuar e bisedës.

WhatsApp thotë se ky është vetëm versioni i parë i veçorisë, dhe planifikon ta përmirësojë atë në të ardhmen për të ofruar mbrojtje edhe më të madhe. /Telegrafi/