Vuçiq: Shpresoj se vrasësit e Ivanoviqit do të kapen

Presidenti serb, Aleksandar Vuçiq, thotë se dëshiron që hetimi për vrasjen e Oliver Ivanoviqit të shkojë edhe më shpejt dhe të marrin rezultatet sa më shpejt që të jetë e mundur.

“Ne tashmë kemi një pasqyrim, por nuk po them asgjë zyrtare, të pres. Por shpresoj dhe shpreh shpresën time që vrasësit do të kapen”, thotë presidentit të Serbisë, Aleksandar Vuçiq, në lidhje me hetimin e vrasjes së Oliver Ivanoviqit, raporton portali serb Kossev.

Beogradi dëshiron që “vrasësi ose vrasësit të kapen, qoftë ai serb, shqiptar apo një i huaj”, tha presidenti serb, pëcjell Telegrafi.

“Ne do të bashkëpunojmë me Prishtinën për këtë çështje në çdo mënyrë të mundshme,” shtoi ai, para fillimit të tubimit të Partisë Progresiste Serbe në Batajnicë.

Oliver Ivanoviq u vra më 16 janar përpara ambienteve të partisë së tij në Mitrovicë, me gjashtë predha të shkrepura nga një armë zjarri.

Gati një muaj nga vrasja e tij opinionit nuk i janë dhënë detaje rreth progresit të hetimeve. Ndërsa këtë fundjavë e shënoi lajmin se dy policë nga veriu i Mitrovicës u arrestuan si të dyshuar për “manipulimin e provave” pikërisht në rastin e hetimit të vrasjes së politikanit serb. /Telegrafi/