Vuçiq: Çështja është se si Gruevski ka dalur nga Maqedonia, jo si ka hyrë në Serbi

Presidenti i Serbisë Aleksandar Vuçiq, ka deklaruar se ish-kryeministri i Maqedonisë Nikolla Grevski, ka hyrë në Serbi me dokumentet e duhura dhe se në atë moment nuk ka pasur të lëshuar fletarrest për atë. Vuçiq mohoi pretendimet se Beogradi ka ndihmuar Gruevskin të arratisen në Hungari.

Për ata që thonë se për rastin e Gruevskit duhet të pyeten Shqipëria, Mali i Zi dhe Serbia, Vuçiq tha se çështja duhet të jetë se si ai ka dalur nga Maqedonia dhe a ka qenë i përndjekur, përcjell Telegrafi Maqedoni.

“Më 11 nëntor gjatë natës, diku mes orës 1 dhe 2, nuk kam të dhëna zyrtare, personi Nikolla Gruevski është futur në territorin e Shqipërisë, duke e legjitimuar dhe në shoqëri të dy personave hungarez. Më pas është futur në Mali e Zi në kalimin “Bozhaj”, sërish me dokumente të rregullta dhe shkresa të lëshuara nga ambasada hugareze në Tiranë. Më pas më 11.11.2018 është futur në Serbi me letërnjoftim të rregullt, ndërsa më 12.11.2018 në orën 05:11 e ka lëshuar Serbinë në kalimin “Horgosh””, tha Vuçiq.

Ai tha se në ato momente nuk ka pasur fletarrest për Nikolla Gruevskin.

Vuçiq për këtë çështje theksoi se ka komunikim të mirë me kryeministrin Zoran Zaev./Telegrafi/