VLEN: Buxheti i këtij viti në institucionet shëndetësore është rreth 540 milionë euro

Koalicioni VLEN thotë se shëndetësia, si hallka më e rëndësishme e funksionimit të një vendi, prej kohësh është në kolaps.

“Për shkak se nuk kishte fare investim, u krijua një sistem operativ i dobët, ku shëndetësia mbeti në mjerim dhe politikanët trajtoheshin jashtë vendit. Kjo praktikë do të përfundojë me qeverinë e re, Qeverinë VLEN, pasi ne jemi të përkushtuar për të përmirësuar të gjithë sistemin shëndetësor. Dhe kjo nuk mund të bëhet pa buxhet. Prandaj, me vendosmëri të plotë, këtë vit kemi ndarë disa herë më shumë buxhet se në vitet e kaluara”, thonë nga VLEN.

Siç njoftojnë nga VLEN, institucionet publike shëndetësore do të marrin një buxhet më të madh prej 100 milionë euro. Kështu, buxheti i këtij viti në institucionet publike shëndetësore do të jetë rreth 540 milionë euro.

“Për të qenë më të qartë, nëse vitin e kaluar buxheti ishte diku rreth 27 miliardë denarë, tani ai është diku rreth 33.2 miliardë denarë ose rreth 540 milionë euro. Nuk mund të shqetësoheni dhe të përpiqeni të përmirësoni situatën nëse vazhdoni me të njëjtin qëndrim. Ata që e kthyen qeverinë në një shpellë dhe një strehë punuan me të njëjtat praktika. Si rezultat, gjetëm një sistem të rrënuar të kujdesit shëndetësor. Prandaj, ne po ndryshojmë qasjen tonë. Ne veprojmë me përgjegjësi të plotë dhe me hapa konkretë drejt përmirësimit të sistemit shëndetësor. Fjalët boshe ia lëmë opozitës pa vizion dhe të korruptuar, ne kemi marrë përsipër punën për qytetarët”, thuhet në komunikatën e VLEN-it.