U përpoq të shuante vajin e djegur me ujë, amerikanja gati sa nuk ia mori jetën vetës

Banorja e Connecticut mund ta kishte pësuar edhe më keq pasi u përpoq të shuante vajin e djegur në tigan me ujë. Ky incident na kujton se kjo nuk duhet bërë kurrë.

Pamjet u publikuan në rrjetet sociale dhe u bënë shpejt virale, me më shumë se 6.2 milionë shikime vetëm në TikTok.

Latesha Burst ishte duke përgatitur drekën në kuzhinë kur vaji mori flakë dhe ajo derdhi ujë mbi tigan në panik. Flakët u përhapën si rrufe, raporton nypost.

Gruaja e tmerruar vrapon në dhomën e ndenjes, duke i rënë tiganit ndërsa shkon, por pengohet dhe bie. Më pas zjarri u shua.

Pse ndodhi kjo? Kur shtoni ujë në vajin e djegur, ai do të fillojë të avullojë dhe nuk do ta shuajë zjarrin.

@rachandteashIt’s okay if you laugh…there was no apartment damage and luckily only recieved 2nd degree burns. This is exactly what you SHOULD NOT DO! Sharing this because we didn’t know what to do and although we are very embarrassed, we hope people can learn from this so they don’t make the same mistake as we did.♬ original sound – Rach and Teash

Rreth pikave të vogla të avullit të ujit do të formohet një shtresë e hollë vaji, e cila në kontakt me oksigjenin do të shkaktojë një shpërthim, domethënë një “shpërthim yndyror” që mund të përhapë zjarrin në elementët e kuzhinës.

Gruaja ka shpjeguar se në banesë nuk ka pasur dëmtime, por ka marrë djegie të shkallës së dytë.

“Në rregull nëse qeshni, por mos bëni të njëjtin gabim”, tha Latesha.

Në situata të tilla, këshillohet të fikni sobën dhe ta mbuloni tiganin/tenxheren me kapak ose enë tjetër për të parandaluar hyrjen e oksigjenit.

Nëse flaka përhapet, përdorni aparatin që fikë zjarrin. /Telegrafi/