Trump ia ndërron emrin edhe majës më të lartë në Amerikën e Veriut

Gjiri i Meksikës është riemëruar zyrtarisht në Gjirin e Amerikës, ndërsa mali Denali tani do të quhet McKinley, njoftoi Departamenti Amerikan i Brendshëm.

“Me urdhër të presidentit, Gjiri i Meksikës tashmë do të njihet zyrtarisht si Gjiri i Amerikës dhe maja më e lartë në Amerikën e Veriut do të mbajë edhe një herë emrin McKinley”, thuhet në deklaratë, shkruan reuters.

Ndryshimet do të hyjnë në fuqi menjëherë, ndërsa Bordi i SHBA-ës për Emrat Gjeografikë punon për të përditësuar nomenklaturën zyrtare federale në Sistemin e Informacionit të Emrave Gjeografikë.

Mali Denali (McKinley) ndodhet në Alaskë dhe është mali më i lartë në Amerikën e Veriut. Ajo u emërua në vitin 1917 për nder të presidentit McKinley. Në vitin 2015, administrata e presidentit, Barack Obama ndryshoi emrin e malit në Denali.

Në fillim të kësaj jave, zëvendësi i zëdhënësit të Sekretarit të Përgjithshëm të OKB-së, Farhan Haq tha se asnjë vend nuk duhet të ndryshojë në mënyrë të njëanshme emrat e vendosur gjeografikë pa u konsultuar me organet përkatëse ndërkombëtare.

Presidentja meksikane, Claudia Sheinbaum Pardo tha se iniciativa e Trumpit për të riemërtuar Gjirin e Meksikës do të zbatohet vetëm për shefin Shtetet e Bashkuara dhe se Gjiri do të vazhdojë të njihet globalisht si Gjiri i Meksikës. /Telegrafi/