BE thirrje liderëve institucional: Punoni së bashku për luftimin e pandemisë, nuk është koha për antagonizma politik

Bashkimi Evropian përmes një deklarate ka bërë të ditur se BE qëndron së bashku me Kosovën në luftën kundër COVID-19.

BE-ja ka ftuar të gjithë udhëheqësit e institucioneve të punojnë së bashku, duke respektuar Kushtetutën e Kosovës dhe se nuk është koha për antagonizma politik ose institucional por për unitet politik.

“BE-ja qëndron bashkë me Kosovën në luftën kundër COVID-19. Në këtë kohë të vështirë dhe sfiduese, populli i Kosovës ka nevojë për udhëzime të qarta dhe siguri se do të ndërmerren të gjitha masat e mundshme për t’i zbutur efektet e pandemisë. I bëjmë thirrje të gjithë udhëheqësve të institucioneve që të punojnë së bashku, (në respektim të plotë të Kushtetutës së Kosovës) dhe ta drejtojnë tërë energjinë dhe mundin e tyre drejt luftimit të pandemisë dhe ofrimit të sigurisë për popullin e Kosovës. Nuk është koha për antagonizma politik ose institucional, por për unitet politik”, thuhet në deklaratën e e Përfaqësueses së Posaçme të BE-së dhe shefave të misioneve të BE-së në Kosovë. /Telegrafi/

Deklaratë e Përfaqësueses së Posacme të BE-së dhe shefave të misioneve të BE-së në Kosovë: BE-ja 🇪🇺 qëndron bashkë me Kosovën 🇽🇰 dhe fton të gjithë udhëheqësit e institucioneve të punojnë së bashku pic.twitter.com/Rl3p1H8ugC

— Danijela Barisic (@danijelabarisic) March 24, 2020