Tetori është muaji që ka sjellë në Maqedoninë e Veriut me shumë turistë të huaj

Në Maqedoninë e Veriut gjatë muajit dhjetë muajve të parë të këtij viti janë regjistruar 863 478 turistë, prej të cilëve 472 mijë janë të huaj nga vende të ndryshe.

Tetori është muaji që ka sjellë në Maqedoninë e Veriut 53 360 turistë të huaj, ashtu që 9 755 kanë ardhur nga Turqia, 4 922 nga Greqia, 4 425 nga Serbia, 2 615 nga Gjermania, 2 601 nga SHBA-ja, 2 177 nga Kroacia, 2 063 nga Kosova, ndërsa tjerët nga vendet tjera. Në muajin tetor janë regjistruar 104 777 net të kaluar nga turistët e huaj.

Gjysma e turistëve të huaj, mbi 26 mijë turistë kanë qëndruar në Shkup, ndërsa mbi 17 mijë në vendet me liqen. Mbi 26 mijë turistë të huaj janë vendosur në hotele me katër yje, ndërsa mbi 16 mijë në hotele me pesë yje.

Në dhjetë muajt e parë të këtij viti kemi rritje të theksuar të turistëve të huaj në Maqedoninë e Veriut, krahasuar me periudhën e njëjtë të vitit të kaluar. Raportohet që në periudhën janar – tetor 2022, krahasuar me të njëjtën periudhë të vitit paraprak, numri i turistëve është rritur për 38.3 %, ashtu që numri i turistëve vendor është rritur për 5.8 %, ndërsa numri i turistëve të huaj është rritur për 85.7 %.