Tetë banorët e parë që janë futur deri më tani në BBVA 3

Nata e hapjes së “Big Brother VIP Albania” ka sjellë emocione dhe surpriza të mëdha për adhuruesit e këtij formati televiziv. Deri më tani, tetë banorë të njohur të jetës publike shqiptare kanë hyrë në shtëpinë që do t’i mbajë të izoluar nga bota e jashtme për një periudhë të gjatë.

Spektakli i madh filloi me hyrjen e gazetarëve të njohur Drini Zeqo dhe Ilsida Agolli, të cilët me siguri do të sjellin diskutime të nxehta dhe analiza të thella nëpër bisedat e shtëpisë. Pas tyre, astrologia e dashur për publikun, Meri Shehu, u bë banorja e tretë e këtij edicioni, duke premtuar të ndajë me të tjerët parashikimet dhe intuicionet e saj.

Aktori i pëlqyer i humorit Julian Deda, i cili ka një histori të gjatë në botën e aktrimit dhe performancës, gjithashtu hyri në shtëpi, duke shtuar një element arti dhe krijativiteti në grup. Ndërkaq, ish-futbollisti Gabriele Mezini u shfaq duke u shprehur i gatshëm të ndajë përvojën e tij sportive dhe të jetës më shumë banorët e tjerë.

Lexo po ashtu Përmendet edicioni i Kosovës në natën hapëse të BBVA 3, ndjekësit pretendojnë që Ledioni thumboi keq

Prezantuesja karizmatike Roza Lati është tjetra që kaloi pragun e Big Brother, duke premtuar momente të pathëna argëtimi dhe spontaniteti për shikuesit dhe banorët njësoj.

Më vonë gjatë mbrëmjes, edhe modelja e njohur Rike Roçi u prezantua për publikun si një nga banoret që do të hyjë në shtëpi. Pavarësisht se ende nuk i është bashkuar zyrtarisht banorëve të tjerë brenda, prania e saj e paralajmëruar sigurisht do të shtojë shumë bukuri dhe stil në dinamikën e BBV Albania.

Lexo po ashtu Prezantohet shtëpia super luksoze e Big Brother VIP Albania 3

Ndërsa spektakli po vazhdon, tensioni dhe pritja rriten për çdo banor që përgatitet të hyjë. Shikuesit mbeten të ngazëllyer të mësojnë më shumë për personalitetet dhe historitë e atyre që kanë hyrë dhe për ata që pritet të vijnë, duke iu përgjigjur pyetjes së madhe: “Kush do të jetë i ardhshmi?”. /Telegrafi/