Tendenca e këtij sezoni: fustani bardh e zi

E zeza dhe e bardha ka qenë gjithmonë një kombinim klasik. Trendi po vazhdon, por duke marrë një rregullim të vogël duke e përshtatur me temperaturat e ftohta: materiale të reja dhe zbukurim të rënda.

Iluzion optik
Fustanet e stilit iluzion optik kanë qenë një hit i madh gjatë vitit 2013, dhe janë një alternativë e përkryer, nëse ju jeni duke planifikuar të merrni pjesë në një festë apo event. Këto fustane janë shumë në modë duke qenë se ato ju bëjnë të dukeni më elegante seç jeni dhe janë të përshtatshme edhe për në zyrë.

Model grafik
Fustanet e modelit grafik janë të përkryera në qoftë se kombinohen me një palë këpucë ngjyrë nude. Fustani mund të ketë edhe kafshë të printuara, guxoni të eksperimentoni me të bardhën dhe të zezën.

Teksturë
Një nga mënyrat më të mira për të veshur ngjyrat bardhë e zi për këtë sezon është që të shfrytëzoni anën krijuese. Fustani me lëkurë të zezë dhe gëzof të bardhë është një shembull i mirë për këtë.

Fustani i zi dhe i bardhë është ndoshta trendi më ‘chic’ i këtij sezoni, por kjo nuk do të thotë se është i mërzitshëm. Luani me cilësinë dhe modelin për të krijuar një ndikim të lartë dhe për t’u dukur pa marrë parasysh rastin. /Living/Telegrafi/