Stresi i fëmijëve në shkollë: Shenjat që çdo prind duhet t’i dallojë

A keni vënë re që fëmija juaj është më i tërhequr ose nervoz pas shkollës?

Ndonjëherë, fëmijët nuk e tregojnë hapur stresin e tyre, por ka shenja që prindërit duhet të dinë t’i dallojnë.

Stresi i shkollës mund të ndikojë jo vetëm në performancën e tyre akademike, por edhe në shëndetin emocional dhe fizik.

Shenjat e heshtura të stresit që fëmijët i fshehin:

▪ Mungesa e dëshirës për të folur për ditën në shkollë
▪ Ndryshime të papritura në sjellje si irritim ose lodhje e vazhdueshme
▪ Ankesa për dhimbje të kokës ose të barkut, që shpesh lidhen me ankthin
▪ Ndryshimet fizike që mund të jenë shenjë e stresit
▪ Pagjumësia ose vështirësia për të fjetur
▪ Humbje ose shtim i papritur në peshë
▪ Lodhje e vazhdueshme, edhe pas periudhave të pushimit
▪ Ulje e performancës akademike
▪ Ndryshim i sjelljes në klasë
▪ Rënia e papritur e rezultateve të notave ose mospërqendrimi në mësime
▪ Frika e tepruar nga provimet dhe detyrat
▪ Tërheqja nga aktivitetet sociale dhe mospjesëmarrja në aktivitete jashtëshkollore

Pse fëmijët e fshehin stresin nga prindërit?

Ka disa arsye pse fëmijët mund ta fshehin stresin nga prindërit dhe ato lidhen me:

▪ Frika nga dënimi ose presioni për të qenë të suksesshëm
▪ Moskuptimi i vetë emocioneve të tyre ose paaftësia për t’i shprehur
▪ Pasiguria që i bën të mendojnë se duhet t’i zgjidhin vetë problemet

Si ta ndihmoni fëmijën të flasë për stresin?

Komunikimi i hapur, por pa presion: Krijoni një atmosferë ku fëmija juaj ndihet i sigurt të flasë.

Pyesni me takt: Në vend që të bëni pyetje direkte, pyetni se si ndihet në lidhje me aktivitete të caktuara në shkollë.

Vëzhgoni rutinën e tyre: Ndryshimet në zakonet e përditshme janë tregues të rëndësishëm, citon Anabel.

Duke u përqendruar te komunikimi i hapur dhe vëzhgimi i vazhdueshëm i rutinës, prindërit mund të identifikojnë herët shenjat e stresit dhe t’i ofrojnë fëmijës mbështetjen e nevojshme. /Telegrafi/