Tahiri: Të tërhiqen këto kandidatura, presidenti po tentohet të zgjidhet në mënyrë të turpshme

Shefi i Grupit Parlamentar të Partisë Demokratike të Kosovës, Abelard Tahiri pas mbledhjes së Kryesisë së Kuvendit të Kosovës i ka bërë thirrje mazhorancës që të tërheqë dy kandidaturat për postin e presidentit. Tahiri derisa theksoi se vendi nuk ka nevojë për zgjedhje të reja, deklaroi se sot po tentohet të zgjidhet presidenti në mënyrë të turpshme.

Tahiri mbledhjen e sotme të Kryesisë e ka konsideruar të çuditshme dhe pa agjendë të qartë.

Shefi i grupit parlamentar të PDK-së edhe njëherë e ritheksoi se ky subjekt politik nuk do të kontribuojë të zgjidhet shefe e shtetit të Kosovës Vjosa Osmani.

Sipas tij në këtë pozitë duhet të jenë njerëz që përçojnë unitet e jo persona përçarës.

“Sot po tentohet që presidenti të zgjidhet në mënyrën më të turpshme të mundshme pa iu nënshkruar një konsultimi të gjerë me partitë politike parlamentare. Kjo mazhorancë çdo ditë po tregon që po tenton me e mbytur demokracinë, mirëpo ne jemi këtu pikërisht pra gardian të demokracisë përfaqësues të qytetarëve të Republikës së Kosovës duke i përdorur të gjitha mjetet, normalisht që nuk do e lejojmë . Ne iu kërkuam edhe sot që t’i tërheqin këto dy kandidatura jemi në afate kushtetuese ne mund ta zgjedhim edhe nesër edhe pasnesër edhe në javën që vjen pra jemi në afate kushtetuese dhe i kemi kërkuar që të gjejmë një figurë të propozoj një figurë e cila do i jepte stabilitet vendit . Një figurë që nuk do ishte përçarëse por që do përfaqësonte unitetin e qytetarëve të Kosovës. Pra ky vullnet i mazhorancës duket që nuk ekziston, prandaj faturën që siç duket vendin do e dërgojnë në zgjedhje e bartë arrogance e kësaj mazhorance e Agim Kurtit. Pra sot nëse shkojmë në zgjedhje shkojmë si rezultat I një krize të prodhuar nga Albin Kurti….PDK e ka bërë të qartë në asnjë rrethanë nuk ndihmojmë dhe nuk kontribuojmë në zgjedhjen e Vjosa Osmanit president të Kosovës. Ne jemi në çdo rrethanë kundër kësaj kandidature i bëjmë thirrje sepse jemi në afate kushtetuese që të tërheqin propozimin e sodit”, theksoi Tahiri.

Lidhur me falsifikimin e mundshëm për nënshkrimet për t’u thirrur seanca për zgjedhjen e presidentit, Tahiri tha se kjo është punë e Administratës së Kuvendit, por që nëse ndodh kjo do të ishte mjeruese se në çfarë situate e ka sjell vendin kjo qeveri.

“ Ajo është një çështje që e ngritit zotëri Gashi dhe i takon administratës të merret me këtë çështje unë shpresoj që proceduralisht të mos bëhen gabime të tilla dhe nuk mund të bëjë asnjë deklarim…Mendimi jonë është se nëse arrihet me u falsifikua edhe dokumente të tilla dhe nënshkrime të tilla në këtë proces zgjedhor është me të vërtetë mjeruese në çfarë situate na ka sjell kjo mazhorancë“, tha ai.

Ai theksoi se qytetarët tani presin adresim të sfidave në shëndetësi e ekonomi dhe jo zgjedhje të reja.

“Ne e pamë një tendencë të zotëri Kurti dhe të kësaj mazhorance që në mënyrë të paprecedent të procedohet ligjit për Zgjedhjet ne kemi nevojë për ndërhyrje t]ë tilla kemi nevojë për një reformë të thellë zgjedhore dhe në çdo vend demokratik reformat e tilla udhëheqin nga opozita nga pushteti…Vendi ynë n u ka nevojë për zgjedhje të reja kur vendi ynë sapo ka dal nga një palë zgjedhje jemi në një kohë kur brenda 1 viti e gjysmë janë mbajtur dy palë zgjedhje është qeveria e tretë që vjen nga 6 tetori i vitit 2019, prandaj qytetarët presin adresim të sfidave” , u shpreh Tahiri.

Seanca për zgjedhjet e presidentit do të mbahet sot duke filluar nga ora 18:00.