Sulmet ruse në Ukrainë kanë rënë për gati 75%, thonë zyrtarët amerikanë – një shenjë tjetër se Moska po përballet me vështirësi

Ndërsa agresioni rus në Ukrainë hyn në muajin e tij të 11-të, zyrtarët amerikanë dhe ukrainas kanë thënë se “zjarri i artilerisë ruse” ka rënë mënyrë dramatike nga niveli i tij i lartë i kohës së luftës – në disa vende deri në 75%.

Megjithatë, siç vë në pah CNN, zyrtarët amerikanë dhe ukrainas nuk kanë ende një shpjegim të qartë për këtë.

Siç supozohet, Rusia mund të racionalizojë sulmet e artilerisë për shkak të furnizimeve të pakta, ose mund të jetë pjesë e një rivlerësimi më të gjerë të taktikave përballë operacioneve të suksesshme të Ukrainës.

Sido që të jetë, rënia e habitshme e “zjarrit të artilerisë” është dëshmi e mëtejshme e pozitës gjithnjë e më të dobët të Rusisë në fushën e betejës gati një vit pas pushtimit të saj, thanë zyrtarët amerikanë dhe ukrainas për CNN.

Kjo gjithashtu vjen pasi Ukraina po gëzon mbështetje të shtuar ushtarake nga aleatët e saj perëndimorë, me SHBA-të dhe Gjermaninë që njoftuan javën e kaluar se do t’u ofrojnë forcave ukrainase për herë të parë automjete të blinduara luftarake, si dhe një bateri tjetër raketore të Mbrojtjes Patriot që do të ndihmojë qiejt e saj.

Presidenti rus Vladimir Putin, ndërkohë, me sa duket po përpiqet të forcojë mbështetjen e brendshme politike, besojnë zyrtarët e inteligjencës amerikane, për një luftë që ai fillimisht e përshkruante vetëm si një “operacion special ushtarak” të kufizuar. /Telegrafi/