Sistemi shëndetësor para kolapsit – pacientët me coronavirus të shtrirë në dysheme, në një spital të Madridit

Disa pamje të tmerrshme thuhet se tregojnë ambientet brenda një spitali spanjoll, ku shihen pacientë me coronavirus të shtrirë në dyshemenë e një korridori teksa presin të kontrollohen nga stafi mjekësor.

https://www.youtube.com/watch?v=Fmq51cMNIos

Sipas Daily Mail, pamjet tronditëse tregojnë disa pacientë që kolliten thellë ndërsa një mjek qëndron afër dhe disa prej tyre në dysheme duket se janë të fiksuar në rezervuarët e oksigjenit.

Po sipas mediumit britanik, pamjet tronditëse u regjistruan në Spitalin Infanta Leonor dhe Spitalin Severo Ochoa de Leganes në kryeqytetin spanjoll Madrid, sipas El Mundo.

Pamjet që u raportuan në vend u shpërndanë në internet për t’i nxitur njerëzit të ndiqnin masat e distancimit shoqëror që zbatohen në vendet në të gjithë botën.

Numri i vdekjeve në Spanjë u rrit në më shumë se 2,000 sot – një rritje prej 462 vdekjeve – me 33.089 raste të infeksionit të regjistruar deri më tani.

Madridi ka regjistruar 58 për qind të vdekjeve të vendit dhe kriza e ka sjellë sistemin e kujdesit shëndetësor në prag të kolapsit.

Spanja është në rrezik të bëhet epiqendra e re e shpërthimit në Evropë, me shifrat e fundit të Italisë që ofrojnë disa shpresë se kriza atje mund të fillojë të lehtësohet.

Zëvendëskryeministri i Spanjës, Carmen Calvo, është ndër ata që presin rezultate urgjente të testit sot pasi ai u dërgua në spital me një infeksion të frymëmarrjes të dielën. /Telegrafi/