Si të vishemi në një intervistë pune

Intervista e parë për vend të ri pune në vetvete është stresuese. Por, nuk ju duhet të lejoni diçka e vogël t’ju humbë mundësitë për punën e ëndërruar.

Biografia e shkurtër, prezantimi dhe përgatitja janë tuajat, ndërsa ne nuk do t’ju lejojmë të improvizoni në lidhje me veshjen. Ju ofrojmë këshilla çfarë të vishni për këtë rast që të ndjeheni mirë dhe me vetëbesim.

Mos e ndryshoni stilin vetëm për intervistë. Nëse çdo ditë vishni atlete apo veshje më të lehtë, nuk do të thotë që për intervistë duhet të visheni si “teze” dhe të mos njihni veten në pasqyrë. Me siguri që atletet nuk janë të lejuara, por me këpuca të zeza dhe të rehatshme nuk mund të gaboni.

Keni kujdes te takat. Mos zgjidhni shumë të larta, sepse ajo nuk do të impresionojë askënd, dhe rrezikoni që dhimbjet e këmbës t’jua tërheqin vëmendjen nga intervista.

Mbahuni te stili afarist, më klasik gjatë përzgjedhjes së veshjes. Kjo nuk do të thotë pallto dhe fund deri te gjunjët. Mund të jetë edhe këmishë në ngjyrë të butë, e kombinuar me pantallona dhe stoli. As me stolitë nuk duhet ta teproni. Ora apo byzylyku dhe vathet do të japin një pamje të sofistikuar dhe do të marrin pjesë nga “serioziteti” i kombinimit.

Gjatë veshjes për intervistë, gjithmonë shmangni teprimin. Grimi i tepërt, fundi ultra-i shkurtër mund vetëm t’jua prishin prezantimin. Ju e dini, se nuk ekziston shans i dytë për përshtypje të parë. Prandaj, kapni rastin dhe – me fat! /Telegrafi/