Shqipëri, 17 të vdekur dhe 695 raste të reja me COVID-19

Në 24 orët e fundit në Shqipëri janë regjistruar 17 humbje jete nga coronavirusi dhe 695 raste të reja. Ndërkohë që 563 janë personat e shëruar, që llogariten në mënyrë automatike nga Ministria e Shëndetësisë, 14 ditë nga momenti që janë infektuar.

Me gjithë përpjekjet e mjekëve humbën jetën: 5 qytetarë nga Tirana, 2 qytetarë nga Elbasani, 2 qytetarë nga Përmeti, 2 qytetare nga Fieri, 1 qytetar nga Shkodra, 1 qytetar nga Prrenjasi, 1 qytetar nga Lushnja, 1 qytetar nga Gjirokastra, 1 qytetar nga Kavaja, 1 qytetar nga Shijaku, të moshave 58-79 vjeç.

Në 24 orët e fundit janë kryer 1963 testime dhe kanë rezultuar pozitivë 695 qytetarë. Rastet pozitive të konfirmuara janë identifikuar në këto bashki: 281 raste në Tiranë, 65 në Elbasan, 59 në Fier, 51 në Lushnje, 36 në Lezhë, 35 në Durrës, 32 në Gjirokastër, 23 raste në Përmet, 18 në Pukë, 15 në Korçë, nga 12 raste në Vlorë, Berat, 9 në Mat, nga 6 raste në Has, Mallakastër, nga 5 raste në Krujë, Kukës, Delvinë, nga 4 raste në Dibër, Malësi e Madhe, nga 3 raste në Devoll, Gramsh, Kuçovë, nga 1 rast në Shkodër, Tepelënë, Kolonjë.

Në 24 orët e fundit janë shëruar 563 qytetarë, duke e çuar numrin e të shëruarve 22.180 që nga fillimi i epidemisë. Aktualisht në 4 spitalet COVID, po trajtohen 463 pacientë, 37 në terapi intensive, 9 pacientë janë të intubuar.

MSHMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për COVID19.  Urgjenca Kombëtare është 24/7 në shërbim të qytetarëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.

COVID-19 – Statistika (07 Dhjetor 2020)
Raste të reja ditore 695
Të shëruar ne 24 orë 563
Të shtruar në spitale 463
Humbje jete në 24 orë 17
Testime ditore 1.963

Testime totale 205.971
Raste pozitive 43.683
Raste të shëruara 22.180
Raste Aktive 20.581
Humbje jete 922

Shpërndarja gjeografike e rasteve aktive sipas qarqeve:
Tiranë 11041
Fier 1612
Durrës 1349
Korçë 1122
Vlorë 1037
Shkodër 903
Elbasan 872
Lezhë 740
Berat 701
Gjirokastër 518
Kukës 434
Dibër 252