Shkolla e mesme e Bashkisë së Shkupit “Saraј” me sallë të re sportive

Kryeministri Zoran Zaev, Ministri i Arsimit dhe Shkencës Arbër Ademi, Kryetari i BDI-së Ali Ahmeti, dhe Kryetarët e Komunave të Shkupit dhe Sarajit, Petre Shilegov dhe Blerim Bexheti, sot shënuan fillimin e ndërtimit të një sallë sportive në shkollën e mesme “Saraj”.

Kryeministri Zaev në fjalimin e tij theksoi se gjithë fëmijët meritojnë t’i kenë kushtet e nevojshme për ndjekjen e dinjitetshme të mësimit, por edhe për praktikimin e shprehive të shëndosha sportive, përcjell Telegrafi Maqedoni.

Ministri Ademi potencoi se ky investim, realizimi i së cilës fillon pikërisht në vitin e ri arsimor, vërteton se një nga prioritet qeveritare në arsim janë politikat e zhvillimit të kushteve të infrastrukturës për realizim cilësor në procesin arsimor dhe sporti dhe rekreacione tek të rinjtë.

“Kjo sallë do t’i plotësojë të gjitha standardet bashkëkohore për cilësi, si nga aspekti material që kanë të bëjnë në ndërtim, ashtu edhe nga aspekti sportiv ku mund të realizohen sportet siç futbolli i vogël, hendbolli, basketbolli, gjimnastika, ping pongu”, tha Ministri i Arsimit dhe Shkencës, Arbër Ademi.

Investimin do ta realizojë Ministria e Arsimit dhe Shkencës me mjete buxhetore nga Banka për Zhvillim pranë Këshillit të Evropës, ndërsa në kornizë të projektit të ndërtimit të 145 sallave sportive shkollore, është 40 milionë denrë.

Kryetari i Bashkisë së Shkupit Petre Shilegov tha se Bashkia e Shkupit përshihet në ndërtimin e kësaj salle sportive përmes sigurimit të gjithë dokumentimit për ndërtimin e kësaj salle dhe dhënien e energjisë elektrike, ujit, kanalizimit dhe telefon./Telegrafi/