Është dhënë premierë në Beograd versioni i ri i shfaqjes “Klanica 5” (“Slaughterhouse 5”/”Therrtorja 5”), në të cilën një ndër rolet kryesore e luan edhe aktori kosovar Imer Mushkolaj.
E realizuar sipas romanit me të njëjtin titull të shkrimtarit të njohur amerikan Kurt Vonnegut dhe me dramatizim të Tatjana Ljujicit (Universiteti i Cambridge-it), regjinë e shfaqjes e ka bërë Fahrudin Nuno Salihbegovic (Amsterdam Cyber Theatre).
Versioni i parë i kësaj pjese teatrale është dhënë premierë në vitin 2007, në Teatrin Popullor të Uzhicës, kurse versioni i dytë vitin e kaluar në Beograd. Në këtë projekt, Mushkolaj ka përfaqësuar qendrën “Multimedia” nga Prishtina.
Shfaqja është realizim i produksionit “Academica”, Amsterdam Cyber Theatre, Teatrit PVC të Novi Sadit, “Magdatt” nga Amsterdami dhe SET (Studio for Electronic Theatre) nga Beogradi. Përveç Mushkolajt, në shfaqje luajnë edhe Janosh Bush, Vahidin Prelic, Andrijana Lubina dhe Jovana Rakic.
“Klanica 5” është një rrëfim për bombardimin e qytetit të Drezdenit gjatë Luftës së Dytë Botërore, gjatë të cilit për një natë vdiqën 135 mijë veta. Tmerrin e Dresdenit e ka përjetuar vetë shkrimtari Vonnegut dhe ai atë përjetim e ka “bartur” në një tregim fantastiko-shkencor, duke ofruar një tregim shizofrenik të aktorit kryesor, për një vizitë në tjetër planet. Në shfaqje, loja e aktorëve në skenë kombinohet me efekte, projeksione digjitale dhe senzorë të ndryshëm. I ashtuquajturi “cyber theatre” promovohet në rajon pikërisht me këtë shfaqje, ndërkohë që është lloj i ri teatri edhe në Evropë.
“Shfaqja në skenë dizajnohet ‘live’, gjatë rrjedhës së saj, me përdorimin e kamerave, dritave, tonit, videoklipeve dhe titrave, me të cilat ‘komandojnë’ disa kompjuterë para skenës”, shkruante për shfaqjen gazeta “Danas”.
Pjesë e ekipit të shfaqjes (realizimi teknik) ishin Paul Verity Smith nga Universiteti Brunel i Londrës, Martin Dupras nga Universiteti i Anglisë Perëndimore në Bristol, Matthias Oostrik nga Akademia Holandeze e Filmit dhe Televizionit dhe Boris Butorac nga Teatri PVC i Novi Sadit.
Është planifikuar që vitin e ardhshëm, shfaqja të jepet në Prishtinë dhe Sarajevë. /Telegrafi/
Nga Fasal
Nga Neptun
Nga Albi Mall
Lufta Prigozhin - Putin
Më shumë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës