Shërbimet konsullore nisin në maj

Hapja e shërbimeve konsullore në vendet e jashtme pritet të jetësohet nga tremujore i parë i vitit të ardhshëm.

Dy ligjet kryesore të diplomacisë kosovare, ai për shërbime konsullore dhe i misioneve diplomatike, pas miratimit nga Kuvendi, do të fillojnë se zbatuari që nga viti i ardhshëm, bën të ditur e përditshmja Kosova Sot.

Kështu, thekson kjo gazetë, shtetasit e Kosovës të përqendruar aktualisht në vendet më të mëdha perëndimore do të kenë qasje në shërbimet konsullore, sidomos kur është fjala për pajisjen me dokumentacion personal që përbën një nga problemet kryesore.

Ministri i Punëve të Jashtme, Skënder Hyseni, shpreson që nga maji i vitit të ardhshëm do të përfundojnë të gjitha përgatitjet ligjore dhe teknike që të hapen shërbimet e para konsullore të Kosovës në disa vende.

Mendohet që shërbimet e para të tilla do të hapen në Gjermani dhe Zvicër, ku është i përqendruar numri më i madh i shtetasve të Kosovës me punë të përkohshme në këto vende. /Telegrafi/