Samsung para Apple?

Samsung pritet të marr vendin e parë për nga dërgesat e telefonave celularë në tremujorin e parë të këtij viti, parashikojnë analistët e Canaccord. Posedimi i prodhuesit korean pritet të jetë 28.2%, me 41 milion smartphone të shitur.

Përkundër çerekut më të mirë në histori të Apple, me 32.6 milion iPhone të shitur, sipas analistëve, kjo do të mjaftoj për vendin e dytë në shkallëz me 22.4%. Vendi i tretë me 12.5 milion smartphone të shitur dhe me posedimin prej 8.6% do ti takoj Nokias, e i katërti u gjet RIM me posedimin prej 7.6%.

Samsung deri në çerekun e katërt të këtij viti pritet të ruaj këtë posedim, derisa Apple pritet të bie për 1.5%, Nokia për 2.8%, e RIM për 2.9%. Posedimi i HTC-së pritet të rritet për 1% në totalin prej 5.5%, derisa në pjesën fundore të listës do të jenë emrat si Motorola, Sony, LG, Huawei dhe ZTE.

Numri total i smartphonëve të shitur gjatë këtij çereku do të jetë 145 milion, shifër kjo që deri në çerekun e fundit pritet të rritet në 232 milion. Në nivelin e tërë vitit në botë pritet të shiten 723 milion smartphone. /Telegrafi/