Sadiku mezi pret të luajë për Kosovën

Mbrojtësi shqiptar i Helsingborgut, Loret Sadiku, mezi është duke pritur që ta vesh fanellën e përfaqësues së Kosovës.

Kosova dhe Haiti, me 5 mars në Stadiumin Olimpik ‘Adem Jashari’ do të ballafaqohen në ndeshjen miqësore, e për përfaqësuesen tonë vlerësohet ndeshje historike, për faktin se për herë të parë Kosova luan ndeshje ndërkombëtare nën monitorimin e FIFA-së.

Sadiku duke folur për portalin suedez ‘Helsingborgs Dagblad’, ka thënë se kjo ndeshje është diçka e madh për të. Por ai ka bërë të ditur se pas ndeshjes do të luajë për Kombëtaren e Shqipërisë.

Mbrojtësi shqiptar ka kërkuar nga Federata Shqiptare e Futbollit (FSHF) që mos ta grumbulloj në ndeshjen ndaj Maltës, pasi dëshiron ta realizoj ëndrrën- ta veshë fanellën e Kosovës.

“Kjo është diçka e madhe. Kjo është ndeshja e parë e zyrtare dhe do të thotë jashtëzakonisht shumë. Sikur stadiumi t’i zë 100.000 njerëz atëherë 100.000 do të kishin shkuar”, ka thënë Sadiku.

“Unë vij nga atje, dhe sigurisht kjo është diçka shumë e madhe për mua dhe familjen”, ka theksuar Sadiku.

Ai ka qenë pjesë e Suedisë U-21, por, vitin e kaluar morri vendim që ta refuzoi Suedinë dhe t’i bashkohet Kombëtares shqiptare. Sadiku ka paralajmëruar se pas ndeshjes me Haitit do të vazhdoj të luajë për ekipin kuqezi.

“Ajo që qëndron në mes Shqipërisë dhe Kosovës, unë e kam menduar shumë, dhe unë nuk mund të heqë dorë nga Kombëtarja Shqiptare, pasi kam sakrifikuar shumë për të qenë pjesë e Kombëtares së Shqipërisë, kam refuzuar edhe Përfaqësuesen Suedeze, për këtë. Mos harroni kam gjak shqiptari, dhe jam shqiptar dhe asnjëherë nuk më ka shkuar mendja ta lë Kombëtaren Shqiptare. Mirëpo në lojëra të tilla miqësore të Përfaqësueses së Kosovës në marrëveshje me Federatën Shqiptare të Futbollit, do t’ju kërkojë që të jem pjesë e Kosovës dhe asgjë më shumë”, ka theksuar Sadiku. /KP/Telegrafi/