Sa ka pasur ndikim Kina në përhapjen e COVID-19?

Në përgjithësi, deri më tani, ka pasur më shumë se 200 mijë vdekje nga COVID-19 dhe 2.9 milionë raste të infeksionit dhe 195 milion vende pune parashikohet të humbasin mes bllokimeve.

Kostoja njerëzore e virusit ka qenë shkatërruese dhe dëmet ekonomike nuk do të dihen për vitet në vazhdim.

Shumë janë duke kërkuar nga Kina origjinën e virusit, por ende s’ka përgjigje, transmeton Telegrafi.

Kritikët thonë se trajtimi i dobët dhe i vonuar i tyre ndaj virusit në fazat e hershme nuk bëri asgjë për të ndaluar përhapjen e tij në pjesën tjetër të botës.

Në dhjetor të vitit të kaluar, Kina identifikoi një virus të panjohur në Wuhan, por autoritetet nuk e mbyllën qytetin deri më 23 janar.

“Vonesa fillestare e Kinës dhe mbulimi i qëllimshëm i të gjithë pandemisë i ka kushtuar shtrenjtë botës”, tha korrespondenti i Azisë Lindore William Yang për Euronews.

“Edhe pse në atë kohë zyrtarët shëndetësorë vendas po dyshonin për tregun e kafshëve, aty ku mendohet se dolën rastet e para, ato nuk ndaluan funksionimin e tregut deri rreth dy javë më vonë, më 1 janar”, shtoi ai.

Autoritetet kineze gjithashtu detyruan që mjeku Dr Li Wenliang të mos fliste, i cili u përpoq të paralajmëronte për shpërthimin herët. Ai më vonë vdiq nga COVID-19.

Kina pretendon se 83,000 njerëz kanë kapur virusin në vend.

Studiuesit në shkollën e shëndetit publik të Universitetit Hong Kong, të botuar në Lancet, paralajmërojnë se kjo shifër mund të jetë katër herë më e lartë.

Javën e kaluar zyrtarët në Wuhan ngritën numrin e vdekjeve me 50 për qind, duke i dhënë figurën e re “raportimit të azhurnuar” dhe vdekjeve jashtë spitaleve.

Ky rishikim i numrave, katër muaj pasi shpërtheu virusi, ka hedhur dyshime të mëtejshme nëse Kina i ka raportuar ata me vërtetësi që nga fillimi.

Por jo të gjithë janë skeptikë për mënyrën se si Kina i është përgjigjur virusit.

Organizata Botërore e Shëndetit (OBSH) ka qenë e shpejtë për të lavdëruar qeverinë e Xi Jinping, veçanërisht pas bllokimit që ata i imponuan vendit.

“Qeveria kineze është për t’u uruar për masat e jashtëzakonshme që ka marrë për të përmirësuar shpërthimin, pavarësisht ndikimit të rëndë social dhe ekonomik që këto masa kanë pasur mbi popullin kinez”, tha drejtori i përgjithshëm i OBSH-së, Dr Tedros Adhanom Ghebreyesus, më 30 janar. /Telegrafi/