Rreth njëzet milionë njerëz në Mbretërinë e Bashkuar shikuan momentin kur Mbreti Charles u kurorëzua pak pas mesditës

Kurorëzimi i Mbretit Charles u ndoq mesatarisht nga 18 milionë shikues në Mbretërinë e Bashkuar.

Sipas mediave britanike, përcjell Telegrafi, ceremonia, e cila pa kurorëzimin e Mbretit dhe Mbretëreshës Camilla, u transmetua njëkohësisht në një sërë kanalesh midis orës 11:00 dhe 13:00 (sipas kohës lokale).

Shikimet arritën kulmin në 20.4 milionë ndërsa Mbreti u kurorëzua vetëm pas mesditës, tha grupi i matjes së audiencës Barb.

Shifrat janë më të vogla se kur mesatarisht 26.5 milionë shikues po ndiqnin funeralin e Mbretëreshës Elizabeth II.

Mesatarisht, 18.8 milionë njerëz u “gjenden para televizionit” për të parë Kurorëzimin në 11 kanale dhe shërbime, duke përfshirë BBC One, Two, ITV dhe Sky News.

Ndryshe, miliona njerëz mendohet se kanë parë kurorëzimin e Mbretëreshës në televizion në vitin 1953 – por nuk ka shifra të besueshme, duke e bërë të vështirë matjen me ceremoninë e këtij viti.

Bazuar në sondazhet e kryera nga BBC në atë kohë, vlerësohet se më shumë se 20 milionë të rritur në Mbretërinë e Bashkuar e kanë parë atë.

Ndërkohë shërbimi i funeralit për ish-bashkëshorten e mbretit, Diana, Princesha e Uellsit në vitin 1997 u pa nga 31 milionë në BBC dhe ITV – duke e bërë atë numrin më të lartë të audiencës televizive. /Telegrafi/