Rita Ora zbulon fotografitë personale që mban në telefonin e saj

Këngëtarja e njohur shqiptare me famë botërore, Rita Ora, ditë më parë konfirmoi se me 11 maj po sjell bashkëpunim me artistet Bebe Rexha, Charli XCX dhe Cardi B.

E gjersa është në përgatitje të këtij bashkëpunimi, këngëtarja shqiptare ka qenë së fundmi e ftuar në një emision televiziv, nga ku edhe është detyruar të zbatojë rregullat e një stafete e cila titullohet “Camera Roll”.

Në këtë video, ajo nuk ka hezituar që të ndajë me shikuesit disa fotografi personale nga kamera e saj e telefonit, pasi edhe tematika e emisionit është e tillë.

Lexo po ashtu Për herë të parë Rita Ora dhe Bebe Rexha vijnë së bashku në një bashkëpunim me Cardi B dhe Charli XCX

Pas asnjë hezitim, Ora ka treguar për fotografitë e zakonshme që i realizon në përditshmëri.

Disa prej të cilave ajo i ka më përzemër janë fotografitë me kafshët në kopshtin zologjik, por edhe ato me anëtarët e familjes sigurisht.

https://www.instagram.com/p/BiX-pmPHXPS

“Unë jam angazhuar për të luajtur këtë lojë të quajtur “Camera Roll” dhe të gjithë e dinë se kjo gjë për mua është një udhëtim i frikshëm. Nuk e di se çfarë do të gjeni atje, por unë e bëra! Mbijetova! Oh gjithashtu ka një ekskluzive për vajzat! Kontrolloni të gjithë stilin e lojës”, ka shkruar këngëtarja Ora në Instagram.

Duket se “Camera roll” do të jetë një lloj stafete për yjet e famshëm, që do të pritet me interes nga fansat për të parë se çfarë imazhesh mbajnë ata në telefonin e tyre. /Telegrafi/