Raphinha kërcënoi se do të shtypnin Argjentinën – pas ndeshjes rivalët e vunë në siklet të madh dhe ai donte të ‘luftonte’

Futbollisti brazilian, Raphinha është një nga kandidatët kryesorë për Topin e Artë duke pasur parasysh nivelin e lojës që ka dhënë këtë sezon dhe para ndeshjes së mbrëmshme kualifikuese për Kupën e Botës kundër Argjentinës, ai ka deklaruar me besim se skuadra e tij do të “thyejë Argjentinën”.

Ylli i Barcelonës u ngut me deklaratat e tij para ndeshjes, duke kërcënuar rivalët e tyre.

“Ne do t’i thyejmë në fushë, dhe nëse është e nevojshme, edhe jashtë saj”, tha Raphinha.

Lexo po ashtu Emi Martinez poshtëroi Brazilin me gjestin e tij, edhe Scaloni i tha të ndalonte

Pasi nuk u realizua pjesa e parë e kërcënimit të tij, duke qenë se Argjentina fitoi bindshëm 4-1, ai tentoi të zbatojë pjesën e dytë të kërcënimit.

Argjentinasit ishin padyshim të motivuar në ndeshje pas kërcënimeve të Raphinhas dhe ndeshja ishte plot vrazhdësi nga të dyja palët.

Gjyqtari tregoi dhjetë kartonë të verdhë dhe pas ndeshjes pasionet nuk u qetësuan, ku rolin kryesor e kishte Raphinha.

Raphinha leaving the pitch with Argentina players around him. pic.twitter.com/nYMt0hmlPX

— Roy Nemer (@RoyNemer) March 26, 2025

Raphinha u nis drejt dhomës së zhveshjes dhe portieri argjentinas Emiliano Martinez e përplasi qëllimisht atë me shpatullën e tij, teksa duke ecur u ngacmua edhe nga Leandro Paredes.

Gjërat dolën shpejt jashtë kontrollit, Raphinha donte të luftonte me argjentinasit dhe një incident më i madh u pengua nga Endrick, i cili e kapi yllin e Barcelonës dhe e nxori ‘zvarrë’ nga konflikti. /Telegrafi/