Gjuhë e ashpër ndërmjet Ramës e Bashës

Kryeministri Edi Rama, ka shpërndarë në llogarinë e tij në Twitter një video të kreut të PD Lulzim Basha, ku ky i fundit  sa i përket menaxhimit të situatës së pandemisë thoshte se “Rama ka dështuar dhe nuk di më çfarë të bëjë, kjo katastrofë duhet të marrë fund”.

Ndërkohë kryeministri shkruan se videoja e postuar nga Basha është “politikë e mjerë”

“Kur ju them këta ëndërrojnë katastrofën, asfiksinë, vdekjen e sa më shumë shqiptarëve dhe timen mundësisht, kujtoni se bëj politikë! Jo, them vetëm të vërtetën e hidhur, siç e thotë vetë, kjo video e neveritshme e postuar nga Lulëzim Basha! Çfarë politike e mjerë!”, ka shkruar Rama në Twitter.

Kur ju them këta ëndërrojnë katastrofën, asfiksinë, vdekjen e sa më shumë shqiptarëve dhe timen mundësisht, kujtoni se bëj politikë! Jo, them vetëm të vërtetën e hidhur, siç e thotë vetë, kjo video e neveritshme e postuar nga Lulëzim Basha! Çfarë politike e mjerë! pic.twitter.com/IjUwCXjnSf

— Edi Rama (@ediramaal) November 13, 2020

E pas këtij komenti të kryeministrit Rama, ka reaguar kreu i PD-së, Lulzim Basha.

Bashka ka shkruar se “Bashkë do ta mposhtim Ramën e do ta shërojmë Shqipërinë”.

“Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin!”, shkruan Basha në Twitter./Telegrafi/

Bashkë do ta mposhtim Ramën, do të shërojmë Shqipërinë, do të ndihmojmë familjet shqiptare dhe ekonominë e do të sjellim shpresë të re për vendin! https://t.co/uy8Snu0m4E

— Lulzim Basha (@lulzimbasha_al) November 13, 2020