Radioja më prestigjoze e New Yorkut e shpërblen me mirënjohje Dua Lipën, kënga e saj “New Rules” është më e transmetuara në historinë e saj

Senzacioni i muzikës pop, dy herë fituese e çmimeve “Grammy”, Dua Lipa ka disa nga këngët më të njohura në industri. Kënga e saj e hit “New Rules” në veçanti u pëlqye nga Radio Stacioni muzikor numër një në New York, Z100 .

Dua Lipa kohët e fundit theu rekordin e stacionit në radio për këngën më të luajtur ndonjëherë me hitin e saj “New Rules”. Kënga e publikuar në korrik të vitit 2017, pati një sukses të jashtëzakonshëm. “New Rules” u shkrua nga Caroline Ailin, Emily Warren dhe prodhuesi i saj Ian Kirkpatrick.

Për 20 vjet kënga më e transmetuar në Z100 e të gjitha kohërave ishte “Dolls Goo Goo” nga Iris, e cila u publikua në vitin 1998.

19 vjet më vonë në 23 gusht 2017, Z100 lëshoi për herë të parë këngën “New Rules” nga Dua Lipa. Pas më pak se një vit kënga u ngrit në pesë këngët më të transmetuara të Z100 në New York, të të gjitha kohërave.

Tani ka tejkaluar të gjithë mbajtësit e rekordeve të mëparshme. Deri më sot, “New Rules” ka arritur të kap një audiencë prej 225 milion dëgjuesve, dhe ka arritur të transmetohet deri në 5.624 brenda një viti.

“Kur e bëra për herë të parë këtë këngë, nuk e kisha menduar kurrë që diçka e tillë do të ndodhte”, tha Dua Lipa për gazetarin Mark Medina, drejtor i programit në Radion Z100.

“Unë jam super super mirënjohëse dhe falënderuese për gjithçka që kjo këngë ka sjellë vërtet në jetën time dhe ju djema më mbështetët që në fillim”, ka thënë më tej këngëtarja shqiptare.

E njëjta pranoi një çmim si mirënjohje për këtë rekord, nga Radio numër 1 në New York, Z100. /Telegrafi/