Qytetarët të kënaqur pas hapjes së kufirit Kosovë – Maqedoni e Veriut

Maqedonia e Veriut ka larguar testet RT PCR nga 12 tetori, me reciprocitet ka vepruar edhe Kosova. Ministri i Shëndetësisë, Armend Zemaj ka thënë se testet do të kthehen nëse numri i të infektuarve rritet.

Pas disa muajve nga 12 tetori hyrja në Maqedoninë e Veriut lejohet pa test RT PCR e qytetarët e vendit por edhe ata të Maqedonisë së Veriut u janë gëzuar këtij vendimi sepse sipas tyre ka kohë që nuk kanë takuar të afërmit.

“Shumë femra të Kosovës janë të martuara në Maqedoni dhe ato kanë vuajtur këtë kohë. Nuk është ndjenjë e mirë të mos mundësh me vizitua familjen. Hapje është një ndjenjë e mirë dhe shpresoj të mos mbyllet më kufiri”, deklaroi për RTV Dukagjinin, Aferdita Aliu.

“Sot po shkojmë vetëm për qejf. I kemi andej disa jarana që s’jemi takuar moti”, shprehet Genc Shabani, përcjell Telegrafi.

“Sot po dal vetëm për kafe…Kam farefisni, kam vajzën të martuar”, shprehet Shemsedin Selimi.

Megjithatë ministri i Shëndetësisë, Armend Zemaj ka paralajmëruar se testet PCR për Covid-19 mund të kthehen nëse ka rritje të rasteve të infeksionit./RTV Dukagjini/Telegrafi/