Qeveria e Maqedonisë do të vendosë për shkurtimin e orës policore

Qeveria me propozim të Komisionit për Sëmundje Infektive nesër do ta shqyrtojë propozimin për zbutjen e masave për lëvizje si dhe propozimet për masat shtesë për mbrojtje si mbajtja e pajisjeve mbrojtëse.

“Edhe Qeveria edhe kryeministri që nga fundjava paralajmëruan vendosjen e masave më të buta që kanë për qëllim zbutjen e ndalesave. Kërkesa dhe propozimi i shkurtimit të orës policore erdh nga Komisioni për Sëmundje Infektive, dhe u prezantuan nga shtabi kryesor i krizës nga ministri Filipçe”, thonë nga Qeveria për AIM, përcjell Telegrafi Maqedoni.

Me këto masa, thonë nga Qeveria, do të lejohet të lëvizin njerëzit por në të njëjtën kohë do të rritet edhe nevoja për mbrojtje personale.

Lexo po ashtu Do të shkurtohet ora policore – gjatë javës do të nisë në ora 19, ndërsa të shtunën në 13

Ndryshe, Komisioni për Sëmundje Infektive propozon që ora policore të nisë nga ora 19:00, për më të moshuarit në vend që nga ora 10:00 deri në ora 12:00 propozohet që nga ora 8:00 deri në ora 12 të lëvizin ndërsa për të rinjtë propozohet të lëvizin nga ora 13:00 deri në ora 16:00. Gjithashtu propozohet që fundjava të jetë me orë policore por të fillojë nga ora 13:00./Telegrafi/