Qeveria e Maqedonisë do të formojë organ ekzekutiv për siguri në trafik

Qeveria e Maqedonisë planifikon që në gjashtë muajt e ardhshëm të formojë organ ekzekutiv që do të kujdeset për sigurinë në trafik.

Ministri i Transportit dhe Lidhjeve, Goran Sugareski sot deklaroi se në këtë organ do të përfshihen përfaqësues nga të gjitha institucionet kompetente me qëllim të ulet numri i viktimave nëpër rrugët e shtetit, përcjell Telegrafi Maqedoni.

“Kërkuam deri te të gjitha institucionet të dërgojnë nominim të ekspertëve të cilët e njohin këtë problematike me qëllim që të formojmë një organ serioz ekzekutiv i cili do t’i ndërmarrë të gjitha masat që të tejkalojë kjo situatë të cilën e kemi për momentin”, deklaroi Sugareski.

Ai shtoi se gjatë marrjes së vendimit për nevojën nga një organ i tillë janë marrë parasysh të gjitha aspektet, veçanërisht numri prej 160 deri në 200 viktima në trafikun rrugor nëpër shtet.

Në takimin e Grupit sektorial për transport sot do të shqyrtohet edhe programi lidhur me sektorin e transportit për periudhën e vitit 2014-2020, të financuar nga BE-ja në vlerë prej 128 milionë euro nga të cilat 108 milionë sigurohen nga BE-ja dhe 20 milionë nga Buxheti i Republikës së Maqedonisë./Telegrafi/