Pse është kaq i lartë niveli i vdekjeve nga coronavirusi në Itali?

Italia është në mbyllje pasi numri i rasteve të COVID-19, emri zyrtar i coronavirusit po shënon rritje.

Sipas mediave të huaja, përcjell Telegrafi, me më shumë se 10,000 raste, numër ky në rritje, Italia ka edhe numrin e dytë të vdekjeve të raportuar më të lartë dhe numrin e rasteve të konfirmuara të infektuara, duke qëndruar prapa vetëm Kinës.

Me 630 vdekje, numri i të vdekurve në Itali është dukshëm më i lartë se tre vendet tjera të goditura më së shumti të kombinuara, me vdekjet në Iran, Francë dhe Korenë e Jugut që arrijnë nën 380.

Lexo po ashtu Gjërat që duhet të blini nëse jeni në karantinë në shtëpi, gjatë “izolimit” si pasojë e coronavirusit

Pra, çfarë ka bërë që Italia dhe njerëzit e saj të jenë në rrezik më të madh për sëmundje të rënda?

Përgjigja është e shumëanshme, shkruan abcnews.go.com.

Për të filluar, një pjesë e përgjigjes mund të qëndrojë në shpërndarjen e moshave të popullsisë së Italisë.

Për shembull, Italia ka një popullsi më të vjetër me një përqindje më të madhe të të rriturve mbi moshën 65 vjeç sesa SHBA.

Ndërsa sipas një shkrimi të Daily Mail, Italia ka popullsinë më të madhe të të moshuarve në Evropë, me gati një të katërtën e njerëzve (22 për qind) të moshës 65 vjeç ose më të vjetër.

Dhe mosha mesatare – është 46.5 vjeç, sipas CIA – e pesta më e lartë në botë.

Për krahasim, mosha mesatare e Mbretërisë së Bashkuar është 40,6 (18 për qind e moshës mbi 65 vjeç) dhe SHBA është 38.5 (17 për qind mbi 65).

Lexo po ashtu Infermieret italiane rrëfejnë përvojën në luftën kundër coronavirusit, njëra me mavijosje për shkak të maskës – tjetrën e zë gjumi në tavolinë

Dhe mosha, po sipas shkrimit të Daily Mail, përcjell Telegrafi, dihet se është një nga faktorët më të mëdhenj të rrezikut, sepse sistemi imunitar dhe mushkëritë janë natyrisht më të dobët, kështu që trupi është më pak i aftë të heqë pneumoninë, të cilën virusi e shkakton në shumë raste.

Në këtë drejtim, presidenti lokal i Lombardisë, Attilio Fontana, konfirmoi: ‘Të gjitha vdekjet që kemi pasur janë ose njerëz të moshuar ose njerëz shumë të sëmurë’, raportoi New York Times.

Ndërsa mosha e pacientit bie, bie gjithashtu edhe rreziku për të vdekur.

Midis 60 dhe 69 vjeç, shkalla e vdekjes është rreth 3.6 për qind, ndërsa është më shumë si 1.3 për qind për ata të moshës 50 deri në 59 vjeç.

Për njerëzit në të 40-at e tyre kjo bie në 0.4 për qind, dhe është vetëm 0.2 për qind për ata në të 30-tat.

Ndërkohë, po sipas shkrimit të abcnews.go.com, Qendrat për Kontrollin e Sëmundjeve paralajmërojnë se të moshuarit më të vjetër mund të jenë në rrezik për sëmundje më serioze si COVID-19.

Të dhënat nga Kina, ku kanë ndodhur shumica e vdekjeve nga COVID-19, tregojnë se rreth 80% e të rriturve që kanë vdekur ishin mbi moshën 60 vjeç.

Lexo po ashtu Mbi 11 milionë banorë në karantinë – pamjet nga ajri tregojnë se sa i shkretë duket qyteti i Wuhanit në Kinë

“Ne e dimë që shkalla e vdekshmërisë e lidhur me infeksionin coronavirus rritet në ata të moshës 60 vjeç e më të vjetër”, ka thënë Dr. Sarah Banks, një mjeke e sëmundjeve infektive në Spitalin e Central Connecticut. “Ne gjithashtu e dimë se kushtet themelore mjekësore gjithashtu luajnë një rol në sëmundshmërinë dhe vdekshmërinë – megjithatë se në çfarë shkallë, është ende duke u shikuar”.

Një faktor tjetër rreziku mund të lidhet me pirjen e duhanit.

COVID-19 është një sëmundje e frymëmarrjes që mund të çojë në pneumoni, dështim të frymëmarrjes dhe, në rastet më të këqija, vdekje.

Pirja e duhanit dihet se dëmton funksionin e mushkërive dhe sistemin imunitar, duke kontribuar në sëmundje më të rënda të frymëmarrjes.

Një studim i fundit sugjeron që më shumë se 21% e italianëve janë duhanpirës, krahasuar me më pak se 14% në SHBA.

“Ne e dimë se virusi transmetohet nga një person te tjetri përmes pikave dhe ndoshta përmes sipërfaqeve të kontaminuara”, ka thënë Banks. “Izolimi social sigurisht që po mbrohet nga shumë ekspertë në mbarë globin, në një përpjekje për të frenuar përhapjen e virusit”.

Dr. Banks tha se një arsye përfundimtare që shkalla e vdekshmërisë në Itali duket të jetë aq e lartë mund të ishte statistikore.

“Nëse pacientët asimptomatikë ose minimalisht simptomatikë nuk po testohen, kjo gjithashtu do të zvogëlojë numrat që ne po shohim dhe do të rrisë normat e rezultateve anësore”, tha ajo.

Megjithatë, ekspertët thonë se është e vështirë të parashikosh nëse SHBA do të kalojë më mirë sesa Italia pasi virusi vazhdon efektin e tij. /Telegrafi/