Pronarët e qenve të zemëruar me planin për seks publik

Pronarët e qenve në Amsterdam janë të zemëruar pasi që qyteti e ka legalizuar seksin publik në njërin prej parqeve më të famshme të qytetit.

Këshilltarët e qytetit janë pajtuar që çiftet heteroseksuale dhe homoseksuale të mund të bëjnë seks në Vondelpark, i cili ka dhjetë milionë vizitorë brenda një viti.

Por ata kanë premtuar tu ndalojnë pronarëve të qenve të lëshojnë kafshët e tyre të dashura pa zinxhirë të shëtisin lirshëm.

Një pronar qeni ka protestuar: "Qëkur ka ekzistuar parku, ne jemi lejuar t’i lëshojmë qentë tanë të vrapojnë lirshëm. Është me të vërtetë fyese që ne tani e tutje do të gjobitemi, ndërsa seksi publik nuk do ta ketë një fat të tillë".

Një zëdhënës i Këshillit i cili udhëheq pjesën jugore të Amsterdamit ka thënë: "Kur qentë nuk mbahen në zinxhirë ata shurrojnë në çdo gjë që shohin dhe shkaktojnë bezdi për vizitorët tjerë".

Anëtari i këshillit të bashkisë, Paul Van Grieken, ka mbrojtur vendimin për të lejuar seksin publik në park qysh prej muajit shtator të vitit të kaluar.

"Pse duhet të zbatojmë një rregull që kundërshtohet. Për më shumë kjo nuk është bezdi për vizitorët tjerë dhe u jep kënaqësi një grupi të caktuar të njerëzve", ka thënë ai.