Prishtina triumfon me rezultat të thellë

Prishtina ka mposhtur Drita Kosovën me rezultat 4-1.

U zhvillua edhe një ndeshje me kushtet aspak humane për futbollistë.

Por, me gjithë balten deri në gju, Prishtina dhe skuadra e bashkatdhetarëve tanë, Drita Kosova, u shoqëruan ndërmjet vete duke zhvilluar një duel mjaft interesant, me gjithë kushtet e vështira për lojë dhe ku cilësia s’mund të vije aspak në shprehje.

Prishtina, në këtë duel revyal, u paraqit me futbollistët që më pak janë paraqitur në formacionin bazë, ndërsa luajtën edhe disa juniorë.

Bardhekaltrit me meritë triumfuan – 4:1. Së pari, golin e epërsisë ka shënuar sulmuesi i krahut i skuadrës juniore, Kastriot Selmani (24’).

Rezultatin dyfishoi Basit Abdul Khalid, pas gjuajtjes me kokë dhe harkimin nga e djathta të Kastriot Selmanit (56’).

Bashkëatdhetarët tanë nga diaspora, ngushtuan rezultatin nëpërmjet Valmir Muzliukajt (57’).

Golin e tretë për Prishtinën shënoi sërish, Basit Abdul Khalid nga pika e bardhë e që më parë në zonë të rreptësisë u pengua Arbër Hoxha – futbollist i skuadrës juniore (65’), i cili pastaj edhe vetë u shënua në listën e realizuesve dhe të rezultatit përfundimtar – 4:1 (75’).

Trofeun e Superkupës Kosovë – Diasporë, ndau Ministri i Diasporës, z. Valon Murati.

Superkupa: Kosova – Diaspora

Prishtina – Drita Kosova 4:1 (1:0)

Golat: Kastriot Selmani 24’, Basit Abdul Khalid 56’, 65’ (pen), Arbër Hoxha 75’ – Valmir Muzliukaj 57’

Gjyqtarë: Genc Nuza, Rexhep Potoku, Granit Hyseni – Visar Kastrati

Prishtina (4-3-3): Visar Bekaj – Genc Hamiti (Rilind Gërbeshi – 46’), Millosh Milloviç, Agon Xhaka, Gentrit Dumani (Donat Hasani – 70’) – Granit Jashari, Arbër Hoxha, Blend Baftiu (Dardan Sekiraqa – 73’) – Kastriot Selmani, Shend Kelmendi /c/ (Rigon Kabashi – 58’), Labinot Osmani (Basit Abdul Khalid – 46’). Trajner: Mentor Miftari.

Drita Kosova: Bujar Shala – Daut Shala, Fatos Povataj, Taner Seker, Valmir Islami, Fatlum Bajrami, Ardit Bytyqi /c/, Valmir Muzliukaj, Tugrul Yalman, Armend Haxhiu, Jaime Manoccio. Luajtën edhe: Sermin Zeqiri, Blendon Zymeraj, Fidan Bajrami, Bahri Kolludra, Tanju Seker. Trajner: Safet Muzliukaj.