Pretendimet e rreme për shëndetin mendor të Bidenit po vërshojnë sërish rrjetet sociale

Ndërsa zgjedhjet presidenciale në SHBA po afrohen, një sërë postimesh që tallen me aftësitë e presidentit Joe Biden për të shërbyer edhe për një mandat tjetër po shpërndahen gjerësisht, por fotot zakonisht ose manipulohen ose nxirren jashtë kontekstit.

Shumë nga këto pretendime supozohet se mbështeten në prova video të presidentit duke vepruar në mënyrë të çuditshme, por ato zakonisht manipulohen.

Merrni shembull videon më poshtë, e cila duket se tregon Bidenin duke u larguar dhe shpërqendruar në një samit të G7.

Megjithatë, videoja në fakt është prerë, shkruan euronews, përcjell Telegrafi.

President Biden appeared to wander off at the G7 summit in Italy, with officials needing to pull him back to focus. https://t.co/M50eobWwHr pic.twitter.com/Uaw1etcUB8

— New York Post (@nypost) June 13, 2024

Në videon e plotë që gjendet lehtësisht në YouTube, Biden shikon qartë dhe ndërvepron me pjesëmarrësit në një demonstrim me parashutë në vend që të distancohet.

Disa nga liderët e tjerë botërorë mund të shihen gjithashtu duke shikuar në të njëjtin drejtim.

Në një incident tjetër, videoja synon të tregojë Bidenin duke fjetur gjatë një interviste të drejtpërdrejtë.

Por klipi është manipuluar plotësisht – në fakt janë dy video të bashkuara.

Njëra nga viti 2011 gjatë një interviste në “EwWitness News” me Harry Belafonte, në të cilën aktori dhe këngëtari duket se është duke fjetur.

Imazhet e Biden, nga ana tjetër, janë marrë nga një video e vitit 2020. Ndërsa Clinton flet, Biden shpesh shikon poshtë dhe mund të duket sikur mbyll sytë nganjëherë, por nuk ka asnjë provë që ai bie në gjumë.

Më shumë supozime të rreme erdhën nga përvjetori i 80-të i ditës D në Normandi.

Disa pretendojnë se pamjet tregojnë presidentin amerikan duke u përpjekur të ulet në një karrige që nuk ekziston.

At a D day celebration Biden tries to sit on a chair 🤣🤣🤡🤡🤡🤡🤡🤡🤡🤡 pic.twitter.com/qmlpK0TILM

— 🇮🇱🇺🇲Joe_Kidd🇺🇲🇮🇱 (@JoeKidd512185) June 6, 2024

Por në videon e plotë, të pa montuar, mund ta shihni karrigen në pika të ndryshme.

Ndryshe, mjeku i Biden ka njoftuar se presidenti “vazhdon të jetë i aftë për pozitën dhe i ekzekuton plotësisht të gjitha përgjegjësitë e tij pa asnjë përjashtim”.

Debati rreth asaj nëse duhet të ketë një kufi për moshën e politikanëve është i vlefshëm, por ia vlen të kujtojmë se nuk ka asnjë provë që 81-vjeçari pengohet nga mosha e tij.

Duhet theksuar gjithashtu se rivali i tij kryesor në garën presidenciale, Donald Trump, nuk është shumë prapa tij, me një moshë 78-vjeçare.

Sido që të jetë, Evropa do të ndjekë nga afër zgjedhjet e nëntorit për shkak të lidhjeve të forta që BE-ja dhe shtetet individuale evropiane kanë me SHBA-në. /Telegrafi/